BBC navigation

افغانستان مخالف گروه لری ارا پاریسده یغین باشلندی

Сўнгги янгиланиш 20 декабр 2012 - 11:33 GMT

افغانستان دولتی و سیاسی مخالفلری ارا ییغین بوگون پاریسده باشلندی. اوشبو ییغینده، طالبلر تمانیدن ایکی نماینده اشتراک ایتگنی ایتیله دی. ییغینده افغانستانده تینچلیک تامینلنیشی اوچون بحث آلیب باریله دی.

ایکی کون دوام ایته دیگن اوشبو ییغین فرانسه نینگ بیر استراتیژیک تحقیقات اداره سی تمانیدن تدبیرلنیب، اونده طالبان نماینده لری، افغانستان دولتی، اوپوسیزیون گروه لر همده مدنی جماعه چیلیک اداره لری نینگ وکیللری هم قتنشگنلر.

فرانسه استرتاتیژیک تحقیقات جمغرمه سی رییسی کمیل گراند نینگ بی بی سیگه ایتیشیچه، اوشبو اداره فرانسه دولتی نینگ همکارلیگی بیلن افغانستان ده تنیلگن کمیده 20 گروه نینگ نماینده لری نی فرانسه گه، 2020 ییلده افغانستان وضعیتی حقیده صحبت آلیب باریشگه چقیرگن.
ییغین، افغانستان نینگ موضوعی 2020 ییلده گی وضعیتی حقیده اعلان قیلگنلیگی هنوزگچه معلوم بولمه گن.

اما شونده ی بولسه هم، مذکور ییغین اشتراکچیلری کیله جکده صلحگه قنده ی قیلیب ایریشیشلری نی محاکمه قیلیشی کوتیله دی. هر چند بو ییغین رسمی بیر ییغین بولمه گنی ایتیله دی، لیکن افغانستان حکومتی وایریم تشقی رسمیلر ییغین نی حمایه قیلیشی نی اعلان قیلگنلر. بوحقده بیریتانیانینگ افغانسانده گی ایلچیسی بونده ی فکر بیلدیرگن:" مین طالبان و افغان حکومتی و سیاسی گروه لر ارا اوتکزیله دیگن ییغین، فکرلرنی اورگه نیش اوچون یخشی زمینه یره تیشیگه ایشانه من. بیز بیله میز که طالبان کیله سی بیر ایکی ییل ایچیده سیاسی جریانگه قوشیلمسه لر، افغانستان نینگ کیینگی سیاستیده رول اوینه آلمه یدیلر. اولر هم موضوع نی توشنیب الگن. بیز بو تدبیر نی خوش قرشی له ی میز." دیب ایتگن بریتانیا ایلچیسی ریچارد ایستک.

ایلک بار دیرکه شمالی ایتلاف گروه لری مملکتده تینچلیک تامینلنیشی اوچون طالبان گروهی بیلن پاریس ده ییغین اوتکزماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.