BBC navigation

اولوسی جرگه 1392 ییلی اوچون پیشنهاد بولگن بودجه نی رد ایتدی

Сўнгги янгиланиш 22 декабр 2012 - 13:05 GMT

افغانستان اولوسی جرگه سی، حکومت نینگ 1392 قویاش ییلی ده گی مالی بودجه سی نی اکثر آواز بیلن رد ایتگن.

مذکور جرگه اعضالری بودجه نینگ رد قیلیش لری دن اساسی مقصد، بودجه ده برابر لیک نظرگه توتیلمه گنی همده تمل پروژه لرگه توجه سیزلیک دیر دیب معلوم قیلگن.

عین زمانده، 86 ملیون دالر، جمهور لیک ریاستی خرجتی اوچون اجره تیلگنی هم مذکور بودجه نینگ رد قیلیشی گه سبب بولگن باشقه عامل لردن دیب ایتیلگن.

اولوسی جرگه اعضا لری گه کوره، نیچه کوندن بیری مذکور بودجه توغری سیده ایریم مجلس نینگ ایریم کمیسیون لریده بحث قیلیب، لیکن حکومت تمانیدن پیشنهاد بولگن مسئله لر نماینده لرنی قانیقتیره آلمه گن.

خانم شکریه بارکزی بو توغریده بونده ی تنقید قیله دی:

" احتیاط و متفرقه کود لرینی کورسنگیز، 582 ملیون دالردیر. 64 ملیون دالر افغانستان نینگ ایککی قوه سی اوچون اجره تیلگن یعنی قضاییه و قضاییه قوه سی. اما جمهورلیک ریاستی سرایی نینگ خرجتی اوچون 86 ملیون دالر اجره تیلگن. البته بونگه هم احتیاط کودی یوق و افغانستان خلقی اوچون قبول قیلینرلی گپ ایمس."

بیر قنچه ملت وکیل لر، کیله سی ییل اوچون پیشنهاد بولگن بودجه ده، شغل یره تیش، فقر نینگ اورته دن ایلتیش، جای توزه تیش و شونگه اوخشه گن باشقه تمل پروژه لریگه کوز قره تیلمه گنینی اورغوله یدلر.

اولوسی جرگه تمانیدن رد ایتیلگن بودجه نیچه کون ایلگری سنا مجلسی تمانیدن تایید بولگن ایدی.

مذکور بودجه نینگ تایید قیلینیشی اوچون اولوسی جرگه اعضالری تمانیدن ایلگری سوریلگن پیشنهاد لر بودجه گه کیرتیلیشی ملت وکیل لرتمانیدن تاکید بولماقده.

اما مالیه وزیرلیگی نینگ سوزچی سی وحید الله توحید گه کوره، مالیه وزیرلیگی بودجه نینگ رد بولیشی گه نیمه سبب بولگنینی رسمی شکلده بیلمسه، اونگه هیچ قنده ی عکس العمل کورسته یمدی.

شونده ی بیر حالده افغانستان اولوسی جرگه سی بیر قنچه وزیرلرنی اوتگن ییل لریده گی بودجه لرینی مصرف قیله آلمس لیکگه عیب لب، خود شو مسئله اوچون کرزی جنابلری نینگ کابینه سی دن 11 وزیرنی استیضاح گه چقیریش اوچون قرار آلگن.

11 وزیرنینگ استیضاح قیلیش جلسه سی کیله سی چهار شنبه کونی یولگه قوییلیشی کوتیلماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.