BBC navigation

کابلده گی کیم کیچیک ساته دیگن ییریک سرای آلاو آلدی

Сўнгги янгиланиш 23 декабр 2012 - 09:35 GMT

کابل ده گی کیم کیچک ساته دیگن ییریک سرایلردن بیری آلاو آلیب نتیجه ده یوزلب دوکان و مغازه یانیب کیتگن. مذکور سرای یریم کیچه ده آلاو آلگن. لیکن اطفاییه خاملری توشگه قدرهم یانغیننی اوچریشگه قادر بولمه گن.

دوکانلرده گی متاع لر یانیب کیتگنلیگی ایتله دی بیراق هیچ کیمگه جانی تلفات یتکزیلمه گن.

مقاملر ایسه یاغین نتیجه سیده سرایده دوکانی بولگن ساتووچیلر، میلیونلب دالر خساره کورگنینی ایته دی. ایریم دوکانلردارلرنقدی پول وکیره کلی حجتلرینی چیقاریشگه قادر بولگنلیک لرینی ایتسه ده ، اما سرای اطرافیده یغیلگن اونلب دوکاندار لر نقدی پول دوکانلریده گی متاع لری کویب کیتگنیدن شکایت بیلدیردی.

آلاو آلگن ناصری ناملی سرایده کیم کیچک عمده شکلده ساتیلرایدی. نه فقط کابل بلکه افغانستان نینگ تورلی ولایتلریدن کیلگن دوکاندارلر کیم کیچیک نی آنه شو سرایدن ساتیب آلرایدیلر.

اوشبو سرای یقنیده جایلشگن پول المشتریله دیگن شهزاده سرایگه قندی دیر خساره یتمه گن .لیکن بو سرای قوشیمچه یانغین یوزبیرگن سرای اطرافده جایلشگن سرایلریده گی متاع لر چیقاریلگن.

یانغیننی اوچریش اوچون ناتو کوچلری هم یاردم بیرگن، اما ایریم دوکاندارلر بی بی سی بیلن بولگن صحبتیده اطفاییه خادملرینی توجه سیزلیککه عیبلب سرایده کیریش اوچون اولرگه تیز لیک بیلن رخصت بیرمه گنینی قیتغ قاره له دیلر.دوکانی بوتونلی یانیب کیتگن دوکاندالردن بیری بی بی سی بیلن بولگن صحبتیده شوندی دیدی:" سرای کیچه ساعت 11 اطرافیده اوت آلدی مین، یریم ساعت اوتگنیدن سونگ بوییرده ایتب کیلدیم. ایچکری کیریب باریب دوکانده گی نقدی پولنی چیقاریشگه حرکت قیلدیم، لیکن پلیس اجازه بیرمه دی. اوشه پیت کیریسم ایدی هیچ بولمه گنده نقدی پولنی چیقاریشگه قادر بولرایدیم، قریب بیر لک دالریم دوکانده گی متاع لریم کویب کیتدی."

مقاملر ایسه برق اسکونه سیدن ناتوغری فایده له نیلگنی سبب بو حادثه یوزبیرگنینی اورغوله گن.

کابل پلیس باشلیغی جنرال ایوب سالنگی سرای قوریقچیسی یوقالگنینی ایتیب، اونی تاپیش اوچون پلیس کوچلری قیدرو عملیاتنی باشله گنیدن خبربیردی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.