BBC navigation

اوزبیک طلبه، چین اولکه سیده بیرینچی مقام نی قولگه کیریتدی

Сўнгги янгиланиш 24 декабр 2012 - 11:38 GMT

افغانستان لیک اوزبیک اوقووچی بکتاش کارگرچین ده یولگه قوییلگن مقاله یازیش بیلله شوویده برینچی مقامنی کسب ایتگن.

بیلله شوو ده 300 دن آرتیق خارجی طلبه اشتراک ایتگن.

بی بی سی اوزبیک خذمتی بیلن قیلگن صحبتده بکتاش کارگر مقاله یازیش بیله شوو چین تیلیده بولگنینی معلوم قیلگن .

کارگر جنابلری گه کوره، بیلله شوو اوچون یازیلگن مقاله لر تعیین ایتلگن مخصوص هیت تمانیدن تنله نیب کیینچه لیک کتاب شکلده چاپ ایتیلگن. اما اوچ آی اوتیشی بیلن، اونینگ مقاله سی بیرینچی مقامنی کسب ایتگنینی هیت کیینچه لیک اعلام قیلگنلر.

یازگن مقاله سیده بکتاش کارگر، افغانستانلیک بیر باله نینگ طلبه لیک دوریده گی خاطره لری همده دوچ کیله یاتگن قیینچیلیک لرینی عکس ایترگن.

مقاله، طلبه نینگ افغانستانده ایچکی اوروش لرنی چیقیشی بیلن مملکتنی ترک ایتیب مهاجرت گه یوز توتیش حکایه سی بیلن باشلنه دی.

مهاجرت پیتی باله نینگ آنه سی کسل بوله دی و موجود برچه مادی امکانیت لرهم مهاجرت و کسللیک نی دوا لش یولیده صرف لنه دی. بکتاش کارگر اوز مقاله سیده شونینگ دیک طلبه باله نینگ حیاتیده کی باشقه قیینچیلیک لرینی حکایه قیله دی. حکایه دوامیده قهرمان مولف نینگ اوزی بولگنی انگله شیله دی. مولف امکانیت لر تاپیلیشی بیلن مکتب دورینی 8 ییل ایچیده اوقیب، چین مملکتیده گی فاکولته لردن بیریده بورس گه کامیاب بولگنینی یازگن.

کارگر جنابلری، چین تیلی نی انچه قیین چیلیک بیلن اورگنگنینی معلوم قیلیب حاضر بو تیلنی انچه یخشی بیلیشی دن خرسند لیک بیلدیرگن.

مقاله سونگی ده، مولف اوروش طفیلی هیچ بیر یاش تعلیم آلیش دن محروم بولمی حیات امکانیت لرینی قولگه کیرتیشگه امید قیله دی.

او ایچکی اوروشلر و مهاجرت نی باشدن کیچرگن بیر یاش طلبه اولراق هربیر دیار ده تینچلیک نی تامین له نیش اهمیت باره سیده اورغو بیرگن.

افغانستان نینگ چین اولکه سیده گی ایلچی خانه سی، بکتاش کارگر مقاله یازیش بیلله شوویده بیرینچی مقامنی اوزیگه ایگلله گنی نی تبریک لب، بو مسئله نی بیر مکتوب آرقه لی افغانستان تشقی ایشلر وزیرلیگیگه خبر بیرگن.

همده مذکور ایلچیلیک، بکتاش جنابلری، نیچه ییلدن بیری چین اولکه سیده یولگه قوییلیب کیلگن مدنی برنامه لر، تلویزیونی برنامه لر و باشقه ایریم جشنواره لرده تحصیل دوریده فعال شکلده اشتراک ایتییب کیلگنینی تقدیرله گن.

افغانستان ایلچی خانه سی عینی دمده بکتاش کارگر نینگ چین ده کی بیر قنچه عالی درگاه لر و مدنی تشکیلات لری تمانیدن عملگه آشیریب کیلگن فعالیت لری اوچون آلقیش لنگنی نی هم مملکت تشقی ایشلر وزیرلگیگه خبر بیرگن.

کارگر جنابلری نینگ مقاله سی، چین اولکه سی نینگ کوپگینه گزیته لریده هم چاب ایتیلگن.

بکتاش کارگر نه فقط مقاله یازیش اوچون جایزه آلیش گه موفق بولگن بلکه او، نقاشلیک هنری ده هم لایق بولیب، نیچه مرته پایتخت کابل و پاکستان ده کورگزمه لر یولگه قوییب قطار مکافات گه سزاور بولگن.

اونینگ ایتیشیچه، حاضر گه قدر یوزدن آرتیق اثر یره تیب، بو اثر لری، تیموری لر و غزنوی لر دوریده گی بیویوک شخصیت لر سیماسی نینگ نقاش لیک قیلیب چیقارگن.

بکتاش کاگر تنقلی اوزبیک یازوچی سی مرحوم عبدالله کارگر نینگ اوغلی دیر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.