BBC navigation

میلادی 2014نچی ییل نینگ منفی تاثیراتی کوزگه تشلنماقده

Сўнгги янгиланиш 1 январ 2013 - 11:17 GMT

میلادی 2014. ییلدن سونگ افغانستان وضعیتی بوزیله دی دیگن خواطرلرایسه افغانستانده سونگی اون بیر ییل جریانیده ییریک تجارت گه ایلنگن موتر ملکیت نرخی نی قووی توشیشگه سبب بولگن.

کابل شهری نینگ سرای شمالی دیب اتلگن منطقه سیده موتر سوداسی بیلن بندبولگن حاج زمری ایسه موترنرخی قووی توشگنیدن شکایت قیلیب نیچه آیدن بیری ضرر کوریب کیله یاتگنینی ایتدی:"اوتمیشلرگه قره گنده موترلر، قیمتینی قولدن بیرگن، اوتمیشلرده قیمت لر یخشی ایدی، 2006 کورولا تور موتری 13 و 14 مینگ دالرگه ساتیلرایدی. لیکن حاضر توقیز مینگ دالرگه توشگن. اوزیم 2009 بیر موترنی 16500 دالرگه ساتیب الگن ایدیم 14 مینگ دالر ساتدیم .

موترساتیش ایشی بیلن بند بولگن حاج زمری میلادی 2014 نچی ییلدن سونگ وضعیت بوزیله دیگن خواطر لر همده خارجی کوچلرنینگ چییب کیته یاتگنی موتر بازاریگه منفی تاثیر قالدیرگن دیه فکر بیلدیره دی.

اونگه کوره به دولت کیشی لر پوللرینی معتبر بانک لر و چیت اولکه لرگه چیقاره باشله گن همده، آز پولی بولگن شخصلرهم جرات قیلیب هیچ نرسه ساتیب آلیشمه یاتیر.

بو مسله نه فقط موتر سوداسی بلکه خارجیلر کیلیشی بیلن کوتیلمه گن درجه ده قیمت له شیب کیتگن ملکیت نرخی گه هم جدی تاثیر قالدیرگنی ایتیلماقده. پایتخت کابل شهری نینگ شمالی ده ینگیدن قوریله یاتگن شهرچه مالیک لریدن بیری محمد حکیم ایسه نمره لرگه خریدار بولمه گنیدن شکایت قیلیب همده نمره نرخی قریب یللیک فایز پس توشگنینی ایتدی:"اوچ آیی گه بیر نمره ساتیشگه قادر بولدیم لیکن سابق نمره لر قیمتی هم یوقاری ایدی یعنی بیرنمره زمین اوتیز و اوتیزبیش مینگ دالر ساتیلرایدی اوشه پیتی اوچ آییده ایککی و اوچ نمره زمین ساترایدیم. ساتیب آلوچیلر سانی هم کوپ ایدی. اما حاضر کوزی میز یولده بوله دی بیرانته هم نمره سایتب الیش اوچون بو ییرده کیلمیدی بیلمی من نیگه مونداق بولگن بیز کوپ ضرر کوردیک، بو خداوند ایشی قولی میزدن هیچ نرسه کیلمیدی."

ملکیت نرخی نه فقط کابل بلکه افغانستان نینگ باشقه ولایت لریده هم کوزگه کورنرلی درجه ده ارزان لشگنی ایتیلگن. ملکیت ساتیش ایشی بیلن بند بولگن فاریاب لیک حاج محمد هم شوندی وضعیت دن جدی تشویش بیلدیرگن.

افغانستانده طالبان حکومتی قوله تیلگنیدن سونگ اوشبو گروه و القاعده ترماغی بیلن قره شی کوره شیش اوچون مینگلب چیت ایللیک کوچلر افغانستانگه سفر برایتیلدی. افغانستان نینگ ایریم ولایت لری اون بیر ییلدن بیری قتیغ توقنه شولرگه صحنه بولیب کیلمقاقده. اوروش ایجابی نتیجه بیرمی چیت ایللیک کوچلرنینگ افغانستاندن چیقیب کیتیشی باشلندی.

اما بوکوچلر بیلن ایشله یاتگن یوزلب افغان ایسه ایش سیز قالگن. شمال شرقی تخار ولایتینی ترک ایتگن ایساف کوچلری نینگ قیته قوریش تیمی

بیلن ایشله گن احمد

جاوید ایشینی قولدن بیرگن شخصلردن بیری. او، بوحقده شوندی دیدی:"تورت ییل ایساف کوچلری نینگ قیته قوریش تیمی بیلن ایشله دیک اولر بوول

ایتنی ترک ایتیشی بیلن بیز ایش سیز قالدیک . اینگ آز یتمیش نفر بیر زمانده ایش سیز بولدیک، ایش لش اوچون دولتی اداره لرده نیچه مراتبه باش اوردیک اما، دولتی اداره لر سیزحربی مرکزلرده ایشله گن ایکن سیز، ایش بیرمی میزدیب جواب بیریشه دی. شوسبب مین حاضرگه قدرهم ایش تاپیشه قادر بولمه گن من."

خوب شوندی شکایت لر بیلدیریلرایکن افغانستان جمهورریسی حامدکرزی، 2014 میلادی ییلدن سونگ افغانستانگه هیچ قندی منفی اوزگریش کیلمه یشنی اورغولب بوکبی شاو شاولر غرب تبلیغاتی دیه فکر بیلدیریب کیلماقده:"میلادی 2014 نچی ییلدن سونگ، خارجی کوچلر افغانستاننی ترک ایتسه افغانستان مفلس ودربدر بوله دیگن گپلر، شونینگ دیک طالبان قدرتگه کیله دی ایچکی اروشلر باشله نه دی دیگن تبلغات لر یوزه چیقماقده، بوایسه غرب مطبوعاتی نینگ روانی اوروشی دیرکه انیق ایککی مملکت منفعتی اوچون بولگن. بونی یخشی توشنیب آلیشی میز ضرور."

اما شوندی بولیشی گه قره مسدن افغانستان جمهورریسی میلادی 2014 ییلدن سونگ احتمالی هرقندی اقتصادی بحران یوزبیریشی آلدینی آلیش اوچون وزیرلر کینگاشیگه مخصوص بیرکمیته ایجاد ایتیش بویوروغینی صادر ایتدی.

وزیر لر کینگاشی سوزچیسی رفیع فرودوس اوشبو کمیته فعالیتی باره سیده شوندی دیدی:" سکتوری وزیرلیک لر اشتراکی بیلن قوریلگن کمیته رسما ایشگه باشله گن، مذکور کمیته میلادی 2014 نچی ییلدن سونگ افغانستاننی اقتصادی بحران بیلن یوزمه یوز بولمسلیگی اوچون ایریم چاره تدبیرلرنی یولگه قویه دی.اوشبو کمیته فعالیتی ایجابی بولیشیگه ایشانچی میز کامل."

وزیر لر کینگاشی سوزچیسی رفیع فرودوس اوشبو کمیته فعالیتی باره سیده شوندی دیدی:" سکتوری وزیرلیک لر اشتراکی بیلن قوریلگن کمیته رسما ایشگه باشله گن، مذکور کمیته میلادی 2014 نچی ییلدن سونگ افغانستاننی اقتصادی بحران بیلن یوزمه یوز بولمسلیگی اوچون ایریم چاره تدبیرلرنی یولگه قویه دی.اوشبو کمیته فعالیتی ایجابی بولیشیگه ایشانچی میز کامل."

اقتصاد مسئله لر بوییچه بیلمدان محمد صابر ایزیدیار، خارجیلر چیقیب کیتشی یوزده یوز افغانستان اقتصادی گه تاثیر قویشی مملکن لیگینی اورغولب، وضعیت تابارا یمان له شیشی دنیاجماعت چیلیگی نینگ بیرگن وعده لریگه تیگیشلی بولنگینی ایته دی.

طالبان عصیانچیلرگه قرشی یولگه قوییلگن اون بیریللیک اوروش ایجابی نتیجه بیرمی خارجی لرنینگ افغانستان دن چیقیب کیته یاتگنی همده امنیت بوندن کوره هم یمان له شه دیگن خواطرلر ایسه بوندی بیر قلتس وضعیتنی آلیب کیلگن.

باشقه تماندن آلیب قره گنده اونلب چیت ایللیک دولت لری نینگ میلونلب امریکا لیک دالر یاردمی بیلن اولکه اقتصادی یخشی لنمه گنی هم مردم نینگ بیراز امید سیزلنتیرگن. شو اوچون هم اکثریت جایداد ساتیب آلیشگه اونچه لیک رغبت کورستمیدی .

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.