BBC navigation

پاکستانلیک جنگره ملا نذیر هوای هجومده اولگن

Сўнгги янгиланиш 3 январ 2013 - 09:35 GMT

امریکا نینگ اوچوچی سیز اوچاغی هجومیده نابود بولگن ملا نذیر پاکستان حربیلری بیلن اتفاقده بولگن ، پاکستانده یوقاری درجه لی جنگره رهبر ملا نذیر امریکا نینگ اوچوو چی سیز هجومی نتیجه سیده هلاک بولگن. محلی رسمیلر شمال – غربده گی جنوبی وزیرستان قبیله حدودیده آتیلگن ایککی راکت ملا نذیر بیلن بیرگه ینه کمیده بیش جنگره نی نابود قیلگنینی بیلدیریشگن.

او افغانستان ده گی طالباننی قوللب – قوتلش اوچون جنگره لرنی یوباریش ، همده خارجی و حکومت پرست قوشینلرگه قرشی کوره شیش ده عیبلنگن.

علاقه دار موضوع

ملا نذیر نوامبرده یوزبیرگن انتحاری هجومده جراحت آلگندی. او پاکستانده گی طالبان و اوزبیکستان اسلامی حرکتی رهبریتی بیلن چیقیش مه گن.

چهارشنبه کونی جنوبی وزیرستان نینگ مرکزی حسابلنمیش ونه شهریگه یقین انگور اده قیشلاغیده گی ملا نذیر نینگ اوی یاکی موتری نشانگه آلینگن.

خبرلرگه کوره، ملا نذیر نینگ معاونی راته خان هم هجومده هلاک بولگن.

محل یشاوچیلر ملا نذیر نینگ اولیمی حقیده مسجد آواز کوچیتیرگیچ لردن ایشتگنلری و دفن مراسمی پنجشنبه کونی بولیب اوتیش ایتیشگن.

ملا نذیر نینگ گروهی پاکستان نینگ ناتینچ شمالی- غربیده عمل قیلوچی بیر قطار جنگره گروه لردن بیری دیر.

تحلیل چیلرگه کوره ، ملانذیر حکومت بیلن اتفاق توزیب، پاکستان ده گی طالبان گه قرشی چیققن . او پاکستانده گی طالبان نینگ پاکستان عسکرلرینی نشانگه آلیشگه قرشی بولگن و افغانستانده گی امریکا قوشینلریگه هجوملر قیلیشینی معقول کورگن.

خبرلرگ کوره، ملا نذیر اوزبیکیستان اسلامی حرکتی جنگره لری نینگ دشمنی دیب کوریلگن. پاکستان حکومتی اونی اوزبیک و باشقه خارجی جنگره لرنی 2007 ییلده پاکستان دن چیقاریب یوبارگنی اوچون آلقیش له گن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.