BBC navigation

شفافیت تشکیلاتی : ملی بودجه خلق ایسته گیگه ماس تیارلنسین

Сўнгги янгиланиш 5 январ 2013 - 12:59 GMT

افغانستان شفافیت ناملی تشکیلات ملی بودجه خلق نینگ بیرینچی ضروریات لریگه ماس تیارله نیشی کیره ک لیگینی تاکیدلب، بودجه نینگ مرکزی لشتریلگنینی قتیغ قاره لب چیقدی.

1392. قویاش ییل بودجه سی پارلمان تمانیدن رد ایتیلیشی آرتیدن بودجه ده برابرلیک نظرده توتیلمه گن دیگن فکر لر کوپلب ینگره دی. شوباعث افغانستان شفافیت ناملی تشکیلات ایریم ملی کینگاش اعضالری مالیه وزیرلیک رسمیلری همده مدنی جمعیت قوریلمه اعضالری اشتراکی بیلن بوگون بیریغین یولگه قویگن ایدی.

یغینده بودجه ده گی کمچلیک لر مباحثه ایتیلدی. افغانستان شفافیت تشکیلاتی عینی یغینده بودجه ده مردم نینگ بیرینچی ضروریات لریگه اعتبار قره تیلمه گنینی الغه سوردی.

عینی حالده تشکیلات مسوولریدن بیری قیسی پروزه تصدیق له نیب وقیسی پروزه لر رد بولگنی خصوصیده خلق نینگ معلوماتی بولیشی ضرور لیگینی تاکیدله دی:"افغانستان حکومتیدن اساسی ایسته گی میز شو کی بودجه مردم نینگ طلبی اساسیده تیارلنسین ، یعنی ولایت و تومنتلرده مردم نیمه نی کوته دی ، تاسف بیلن بودجه مرکزی لشتریله دی. بونینگ منفی تاثیراتینی هم کوردیک ایرم وزیرلیک لر ییللیک فایز بودجه نی هم مصرف قیله آلمه گن اگر منطقه لرضرورتی اساسیده بولگنده ایدی بوندی قینچپلیک یوز بیرمس ایدی.".

بوکونگی یغینده سوز یوریتگن افغانستان ملی کینگاش اعضالریدن شینکی کروخیل بودجه نینگ کوپ قسمی امنیت بولیمده اجره تیلگنینی قتیغ قاره لب چیقدی:"کورینگ بودجه نی کوپ قسمی امنیت بولیمده صرفلنه دی، عادی بودجه نینگ آلتمیش فایزی امنیت و ایککی فایز ساغلیق توغریسیده اجره تیله دی،؛ بو تقاس لب بولمیدیگن بیرحالت، اما ساغلیق بولیمی اوته مهم آنه لرنینگ اولیم درجه سیگه قره گنده افغانستان دنیا بویلب ایککینچی مملکت دیر."

اما افغانستان مالیه وزیرلیگی ایسه بودجه نی ملی منفعت لری اساسیده تیارلنگنینی اورغولب، یول وبرق کبی پروزه لر بولگنده هربیرولایتده تینگ بودجه اجره تیش ناممکن لیگینی ایتماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.