BBC navigation

جنرال دوستم و عطامحمد اوچره شدیلر

Сўнгги янгиланиш 6 январ 2013 - 06:53 GMT

افغانستان ملی اسلامی جنبش رهبری جنرال عبدالرشید دوستم، بلخ حاکمی عطا محمد نور بیلن اوچره شگن.

نور جنابلری نینگ رسمی سایتی گه ترقه تیلگن گزارش اساسیده، بو اوچره شووده افغانستان نینگ کیله سی سیلاولری و 2014 نچی ییلدن کیین خارجی لر چیقیب کیتیشی بیلن افغانستان وضعیتی توغرسیده بحث بولگن.

مذکور ایککی شخصیت جمعیت حزبی نینگ مزار شریف ده گی دفتریده اوچره شگن لر.

جنرال عبدالرشید دوستم و عطا محمد نور آره سیده مملکت شمالی بولگه لریده اینیقسه مزار شریف ده نیچه ییلدن بیری انچه سیاسی قره مه قرشیلیک لر موجود ایدی.

حاضر جنرال عبدالرشید دوستم دولت سیاسی مخالفی بولیب فعالیت قیله یاتگن ملی جبهه رهبرلریدن حسابلنه دی.

شونینگ دیک عطا محمد نور جمعیت حزبی نینگ فعال اعضالریدن بولیب بلخ حاکمی صفتیده دولت دایره سیده هم ایشله یدی.

حاضر گه قدر، بو ایککی شخص نینگ اوچره شووی قنده ی ویا کیملر تمانیدن ریجه لنگنی توغری سیده هیچ قنده ی معلومات ترقه تیلمه گن.

جنرال عبدالرشید دوستم و عطا محمد نور آره سیده یولگه قوییلگن اوچره شیش، تیناون دن بیری، افغانستانلیک لر تمانیدن اجتماعی ترماغ لرده کینگ کولمده ترقه تیلیب اوستیده بحث آلیب باریلماقده.

افغانستان نینگ اوتگن جمهورلیک ریاستی سیلاولریده جنرال عبدالرشید دوستم کرزی دن لیکن عطا محمد نور داکتر عبدالله عبدالله دن حمایت ایتگن ایدیلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.