BBC navigation

کرزی امریگا گه کیتدی

Сўнгги янгиланиш 7 январ 2013 - 13:13 GMT

افغانستان جمهور رییسی حامد کرزی، امریکا جمهور رییسی باراک اوباما بیلن اوچره شیش مقصدیده واشنگتن گه قره ب جونه دی.

مملکت مدافعه، ایچکی ایشلر وزیرلیگی، ملی امنیت کینگاشی نینگ رییس لری، ملی تینچلیک کینگاشی، و خوف سیزلیک مسوولیت لرریجه لرینینگ عملی قیله یاتگن رییسی اشرف غنی احمدزی کرزی نینگ مذکور سفرده یول لاوچیلک قیله دیلر.

جمهور لیک ریاستی سرایی گه کوره، امریکا و افغانستان آره سیده گی خوف سیزلیک کیلیشوو باره سیده بحث اوتکزیش هر ایککه جمهور رییس لرنینگ اساسی مقصد لریدن دیر.

کرزی نینگ امریکاده گی مذکور سفری آلدین دن ریجه لنگن ایدی و امریکا جمهور رییسی باراک اوباما نینگ رسمی دعوتی اساسیده یولگه قوییلدی.

افغانستان ملی خوف سیزلیک کوچلری نینگ حربی اسباب اسکونه لر بیلن جهازلنتیریلیشی، افغانستان نینگ صلح پروسه سی، خوف سیزلیک، سیاسی و اقتصادی مسوولیت لرنینگ افغانلر اوز ضمه لریگه آلیش لری همده افغانستان نینگ کیله سی سیلاولری یخشی بولیب اوتیشی جمهور رییس کرزی و اوباما آره سیده گی اساسی بحث لردن حسابلنیشی ایتیلگن.

جمهور رییس کرزی سوز چیسی ایمل فیضی بی بی سی بیلن بولگن صحبتیده، افغانستانده گی هیئت امریکا ده گی سفردن یخشی یوتوق لرنی کیلتیریشی گه امید بیلدیرگن.

" عمومن آلگنده بحث لر افغان کوچلری نینگ تعلیم بیریش و جهازلنتیریشی توغری سیده بوله دی و افغانستان حکومتی بو باره ده امریکا مدافعه وزیرلیگی نینگ مقام لری بیلن صحبت آلیب باره دی. ایککینچی مسئله خوف سیزلیک، سیاسی و اقتصادی مسوولیت لرنینگ انتقال تاپیشی دیر. همده 2014 نچی ییل ده یولگه قوییلیشی کوتیله یاتگن افغانستان نینگ جمهور لیک ریاستی سیلاولری باره سیده هم بحث بوله دی."

امریکا نینگ افغانستانده گی کوچلری سانی همده مذکور کوچلری نینگ افغانستانده قالیش لری، شو نینگ دیک بو قالیش نینگ حقوقی مسئله لری نینگ انیق لش، باشقه تماندن، افغان کوچلری نینگ مالی و حربی حمایت قیلیش امریکا و افغانستان آره سیده گی خوف سیزلیک شرطنامه نینگ اساسی مسئله لریدن حسابلنه دی.

افغانستان جمهور رییسی حامدکرزی و مملکت تشقی ایشلر وزیری زلمی رسول بوندن بیر نیچه مدت آلدین، افغانستان مردمی و پارلمانیده امریکا بیلن امضا قیلینیشی کوتیله یاتگن خوف سیزلیک شرطنامه باره سیده معلومات بیرگن ایدیلر.

کرزی جنابلری ملی تلویزیون طریقی دن یوریتگن سوزلریده، بو شرطنامه ده افغانستان ملی حاکمیتی نی نظرده توتیشی اوستیده تاکید قیلیب، همده خارجی کوچلری 2014 نچی ییل دن کیین افغانستانده قالیش لری قنده ی لیگی نی هم مملکت ملی منفعت لری اساسیده تایید قیلیشی نی سوزبیرگن ایدی.

شو نینگ دیک زلمی رسول هم پارلمان اعضا لریده یوریتگن سوزلریده، جمهور رییس کرزی، امریکا نینگ افغانستان ده گی قماقخانه لری بیکار قیلینیشی توغری سیده جمور رییس اوباما بیلن صحبت قیلیشینی معلوم قیلگن ایدی.

عین زمانده رسول جنابلری اولوسی جرگه ده یوریتگن سوزلریده، امریکا افغانستان ملی کوچلری نینگ حربی اسباب اسکونه لر بیلن جهازلنتیریشی نی هم کرزی ایسته یدی دیب ایتگن ایدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.