BBC navigation

اوزبيك تيل و ادبيّاتيني اوقيب چيققن طلبه لر تيزليكده ايش تاپيشگه اولگورماقده لر.

Сўнгги янгиланиш 13 январ 2013 - 12:10 GMT

اوزبيك تيل و ادبيّاتيني اوقيب چيققن طلبه لر تيزليكده ايش تاپيشگه اولگورماقده لر.


مزارشریفده گی بلخ بیلیم یورتی اوزبیک تیل و ادبیاتینی اوقیب بیتیرگن طلبه لرنینگ انچه سی اله قچان مناسب وظیفه ایگه سی بولیشگن. اوزبیک تیلی متخصصلری و شو تیلنی اوقیب چیققن اوقووچیلرنينگ فكري تلقينيگه قره گنده؛‌ ازبيك تيلي اولرنينگ كيله جك لري اوچون اينگ يخشي ايش زمينه سي بوليشي ممكن.

اوزبيك تيل و ادبياتيني اوقيب بيتيرگن طلبه لرگه ايش تاپه آلدينگيزمي ديگن سوالني بيرگنده، ايريملري نينگ چهره سيده مايوسليك نمايان بولسه،‌ كوپچيليگي ايسه قووانچ بيلن اله قچان ايشگه كيريب كيتديك ديگن جوابني ايتيشه دي. آغامحمد و كريم الله لرهم منه شو نده ي ياشلردن. اولر حتاكه طلبه ليك دوريده مناسب ايش ايگه سي بوليب آليشگن.

صنفداشلري بيلن عيني فكرده بولگن اولكر بانو هم، اوز كيله جگي اوچون خورسند،‌ بيراق اونينگچه نه فقط شهرلرده بلكه، اطراف محيطلرده هم اوزبيك تيلي بو ييچه ييترلي ايش ساحه لري يره تيليشي دركار. بو اوچون ايسه حكومت آدملريني مكلف ديب بيله دي.

يقينده اوزبيك تيل و ادبياتيني اوقيب چيققن طلبه عبداللطيف نينگ فراغت مراسميده بوليب،‌ بو خصوصده اونينگ فكريني هم اورگنيشگه اورينديم. او اوز تيلي ساحه سيده وظيفه تاپيشيگه جدي ايشانه دي.

اوزبيك تيل و ادبياتيدن چيققن ياش ژورناليست، محمد حسن تولقين فعاليتلري بيلن انچه دن بيري اوز خلقي آره سيده تانيليب بولگن. ايتيشيچه،‌ اوزبيك تيليني اوقيب چيققندن كيين بير كون هم ايشسيز قالمه گن.

اوزبيك ايجادكاري،‌ عالم لبيب جنابلري بعضيده اوزبيك تيلي بوييچه ايش تاپه آلمسليك معمالري نه يالغيز اوزبيك ياش قتلمي اوچون، حتا بوتون افغانستان خلقي اوچون معما حسابلنه دي ديگن فكرني آلغه سوره دي.

اوزبيك تيل و ادبياتي ساحه سيده بيليم آله ياتگن آدملرنينگ هر قچان ايشسيز قالماقده ميز ديگن فكرلريگه گواه ايديك، منه شو باعث يقينده بلخ بيليم يورتيدن اوشبو تيلني اوقيب چيققن ياشلرنينگ هم بو خصوصده فكرلريني اورگنه يليك ديگنده،‌ اولرنينگ عجايب قووانچلريگه شريك بولسين. او هم بولسه ايش تاپگنليكلري حقيده گي خورسندليكليكلري ايدي.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.