BBC navigation

کرزی: امریکالیک لرنینگ مصوونیت لری قنده ی لیگینی لویه جرگه تعیین قیله دی

Сўнгги янгиланиш 14 январ 2013 - 12:58 GMT

افغانستان جمهور رییسی حامدکرزی، امریکالیک عسکرلری میلادی 2014 نچی ییلدن کیین افغانستان گه قالیش لریده قضایی مصوونیت ایسته گنی اوچون لویه جرگه قرار آلیشی نی اعلام قیلگن.

امریکا نینگ حربی لری 2014 نچی ییل دن کیینگی حضوری افغانستان و مذکور مملکت آره سیده بیر موافقت امضا بولیشی بیلن انیقلنه دی. اما ایریم مسئله لر جمله دن مذکور حربی لرنینگ قضایی مصوونیت لری اوشبو موافقتنامه امضا بولیشی ده توسیق بولیب توخته گن.

کرزی جنابلری بوگون دوشنبه، جدی نینگ 25 سیده کابلده بیر مطبوعات انجمنی اوتکزیب، امریکالیک لر افغانستانده مصوونیتی بولمه گن تقدیر ده اولر افغانستان نی ترک ایتیب علاقه لرینی کیسیشی بیلن آگاه لنتیرگن لیگی معلوم قیلدی.

" اوشنده ی کی بیز افغانستان و امریکا نینگ استراتیژیک علاقه لری موافقت نامه سیده انچه دقت قیلیب قریب بیر- بیریریم ییل ایشله دیک، خوف سیزلیک موافقت نامه سی نینگ امضا بولیشی توغری سیده هم دقت قیله میز. و بیزنینگ ایشانچی میز حصول بولیشی بیلن و افغانستان نینگ برچه منفعت لرینی بو قرارداد گه کوریب تثبیت قیلیشیمیزدن کیین بو قراردادنی امضا قیله میز. لیکن امریکا عکس حالده بو قرارداد تیزلیکده امضا بولیشی نی خواه له یدی. و شو سفرده هم ایتدیلر کی اگر شو قراردادنی زودلیک بیلن امضا قیلسنگیزلر خرسند بوله میز دیب، لیکن مین ایتدیم زودلیکگه امضا قیله میز اما دقت بیلن."

جمهور رییس کرزی گه کوره، " اگر بیز اولرنینگ حضورینی 2014 نچی ییل دن کیین ایسته یمیز اولر بیزدن مصونیت ایسته یدی".

عین زمانده کرزی جنابلری، امریکا لیک لرگه مصوونیت بیریشی افغانستان مردمی نینگ صلاحیت لردن دیر دیب هم معلوم قیلدی.

شو نینگ دیک کرزی جنابلری بوگون مطبوعات انجمنیده، امریکا سفری دن انچه راضی بولیب کیلگنی نی اعلام قیلدی.

جمهور رییس کرزی امریکالیک لر افغانستان نینگ حاضرگی 350 مینگ کیشی لیک کوچلری نی میلادی 2017 نچی ییلگه چه مالی حمایت قیلیشی نی هم بیان ایتدی.

همده کرزی مذکور کوچلر رقمیگه میلادی 2024 نچی ییل گه قدر هم هیچ قنده ی اوزگریش کیلمس لیگی احتمالی بارلیگینی هم تاکید له دی.

امریکا افغانستان اوچون حربی موترلر سانی نینگ 1500 گه چه ییتیشتیریشی، همده سی 130، تورت اوچاغ، 20 هلیکوپتر و ینه بیر قنچه پیلوت سیز اوچاغ لرنی افغانستانگه بیریشینی معلوم قیلگن.

شو نینگ دیک کرزی جنابلری افغانستان هوایی بولیمی نینگ تعلیم دن اوتکزیب کوچلنتیریشی توغری سیده امریکا اوز یاردم لرینی دوام بیره دی دیب هم بیان قیلدی.

افغانستان حربی لری، حربی اوچاغ لری یوق لیگی نی مذکور کوچلر نینگ اساسی قیین چیلیک لریدن حسابلب، هوایی کوچلری نینگ تجهیزلنتیریشی نی طلب قیلیب کیلگن لر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.