BBC navigation

ملت وکیل لر اورته سیده اون بیر وزیر استیضاح بولیشی اوچون اوشله شوو یوز بیرگن

Сўнгги янгиланиш 15 январ 2013 - 12:41 GMT

اولوسی جرگه اعضالریدن بیری، مذکور جرگه رییس لر کمیته سی ایچیده اون بیر وزیرنی استیضاح قیلیش مسئله سی توغری سیده اوشله شوو یوز بیرگنینی بی بی سی گه خبر بیرگن.

مذکور ملت وکیل گه کوره، جمهور رییس کرزی کابینه سی نینگ اون بیر وزیری اولوسی جرگه ده استیضاح بولیش مسئله سی جدی جنجل لرگه ایلنگنی دن کیین اوریش یوز بیریب نتیجه ده اینگ آزایککی ملت وکیل یره دار بولگن.

اوتگن کونی وزیرلر نینگ استیضاح قیلیش جلسه سیده، اون بیر وزیردن تورت کیشی سی حاضر بولمه گنی اوچون جلسه، قره مه قرشیلیک بیلن یوزمه یوز بولیب، 7 وزیر هم جلسه ایچیده کیره آلمه دیلر.

اسمی توتیلمسلیکگه تاکید قیلگن اولوسی جرگه بیر اعضا سی بی بی سی بیلن بولگن صحبتیده، رییس لر کمیته سی کرزی نینگ اون بیر وزیری کیله سی شنبه کونیده استیضاح بولیش ویا بولمسلیک مسئله سی اوچون جنجللر کوپه یشی نی معلوم قیلدی.

کیله سی هفته ده ملت وکیل لرنینگ 45 کونلیک قیش فصلیده گی تعطیللری باشلنه دی. رییس لر کینگاشی نینگ بیر قنچه اعضالری تعطیللری باشلنمس دن آلدین اون بیر وزیر استیضاح بولیشی اوستیده تاکید قیلیب لیکن بیر قنچه سی ایسه کیله سی شنبه کونیده استیضاح بولیش مسئله سی گه قرشی لیک بیلدیرگن.

بوندن آلدین هم اولوسی جرگه اعضا لری، کرزی کابینه سیده 1390 قویاش ییلیده 50 فایز دن کوپراق بودجه سی نی صرفله آلمه گن وزیرلر ایستیضاح بولیشی اوچون قرار آلگن ایدی. اما اوتگن دوشنبه کونیده گی استیضاح جلسه سیده تورت وزیر 1390 نچی ییل ده وزیر بولمه گنی اوچون استیضاح جلسه سیگه کیلمه گن ایدیلر.

تیناون کی استیضاح جلسه سیده حاضر بولگن 7 وزیر، افغانستان مدنیت و اخبارات وزیری سید مخدوم رهین، تجارت وزیری انورالحق احدی، مخدره ماده لرگه قرشی کوره شیش وزیری ضرار احمد مقبل، کانلر وزیری وحید الله شهرانی، اقتصاد وزیری عبدالهادی ارغندیوال، معارف وزیری غلام فاروق وردک و سوو و برق وزیری محمد اسماعیل خان لر دن عبارت ایدی.

اما ملی مدافعه وزیری بسم الله محمدی، ایچکی ایشلر وزیری مجتبی پتنگ، عالی اوقوو وزیری عبیدالله عبید و شهرسازلیک ویری حسن عبداللهی تیناونکی جلسه گه کیلمه ی بیر قنچه ملت وکیل لرنی غضبلنتیریشیگه باعث بولدیلر.

کیله سی شنبه کونیده مذکور وزیرلر قیته دن استیضاح بولیش مسئله سی یوزه گه چیقیشی بیلن، اولوسی جرگه نینگ رییس لر کمیته سی ایچیده یوز بیرگن بوگونکی اوشله شوولر وزیر لر استیضاحسی قنده ی لیگی نا معلوم حالده بولیب قالدی.

ملت وکیل لر ایچیده بوندن اوللر هم نیچه مرته، ایریم مسئله لر باعث جدی جنجل لر یوز بیریب حتی کی اوریش لرگه هم باعث بولگن.

اما بیر قنچه ملت وکیل آره سیده یوز بیرگن بوگونکی اوشله شوو لر هنوز گه چه رسمی شکلده تصدیقلنمه گن.

شونده ی بیرحالده بیر قنچه محلی ویب سایت لر و اجتماعی ترماغ لر بوگون پارلمانگه جدی شکلده جنجل بولگنی نی ترقه تیب ملت وکیل لرنی تنقید آستیده آلگن لر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.