BBC navigation

لودین: پاکستانده گی طالبان محبوسلری افغان حکومتی مصلحتی اساسیده آزاد ایتیلسین

Сўнгги янгиланиш 19 январ 2013 - 07:40 GMT

افغانستان عالی تینچلیک کینگاشی پاکستانده گی افغان طالبان محبوسلری قوییب یوباریلیشی اوچون اوشبو کینگاش مصلحتی اورگه نیلیشی ضرور لیگینی تاکیدله دی.

اما دولت گه سیاسی مخالفت بیلدیریب کیله یاتگن سیاسی فرقه لر ایسه، طالبان محبوس لری قوییب یوباریلیشی، مذکور گروه گه امتیاز بیریش دیه فکر بیلدیرماقده.

افغانستان عالی تینچلیک کینگاش اورین باسری عطاالله لودین پاکستان مقاملری تمانیدن برچه افغان طالبان محبوسلرینی قوییب یوباریلیشی اعلان قیلینگنینی خوش قرشی له دی. لیکن افغانستان حکومتی یا عالی تینچلیک کینگاش مصلحتی اورگه نیلیشی ضرور ایکنینی تیلگه آلدی.

اونگه کوره ،حکومت مصلحتی اورگه نیلسه قوییب یوباریلیشی کوتیله یاتگن طالبان محبوس لری نینگ قیته طالبان صفیگه قوشیلیشینی الدینی الیش اوچون ایجابی توشه دی.

طالبان حکومتی آغدریلیشی آرتیدن، طالبان عصیانچیلری نینگ تنیقلی نفرلری، پاکستانگه قاچیب کیتدی، بیراق قنچه افغان طالبان پاکستان تمانیدن قماققه آلینگنی باره سیده رسمی حسابات ترقه تیلمه گن.

پاکستان مقاملری ایسه اوشبو اولکه قماقخانه لریده حیات اوتکزیب کیله یاتگن برچه افغان طالبان محبوسلری قوییب یوباریلیشی کوریب چیقیله یاتگنینی ایتگن.

هرچند حکومت بو خبرنی خوش قرشی له دی، اما دولت گه سیاسی مخالفت بیلدریب کیله یاتگن ملی اتفاق اعضالریدن محمد عاصم پاکستان نینگ بوعملی گه قرشی ایکنینی ایتدی، اونگه کوره بو طالبانگه امتیاز بیریشی معنی سینی انگلته دی.

بوندن قریب ایککی آیی آلدین افغانستان عالی تینچلیک کینگاش رهبرلری پاکستان گه سفر قیلگندی. اوشبو سفر جریانیده پاکستان حکومتی افغان طالبان محبوسلرینی قوییب یوباریلیشینی سوز بیرگن ایدی.

حاضرگه قدر طالبان محبوس لریدن قریب ییگرمه ته سی پاکستان حکومتی تمانیدن آزاد ایتیلگن. اولر مابینیده طالبان نینگ مهم ادملریدن ملان نورالدین ترابی هم بارلیگی ایتیلگن.

ترابی جنابلری طالبان نینگ باشقه اوچ مهم عضو بیلن اوتگن میلادی ییل دسامبر آیی نینگ 31نچیسده آزاد ایتیلدی.

افغانستان دولتی طالبان نینگ مهم اعضالری آزاد ایتیلیشی صلح پروسه سی نینگ کوچیتریش اوچون ایجابی توشیشینی ایتیب کیلماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.