BBC navigation

ژورنالیست لردن حمایت ایته یاتگن 10 نهاد بیر تشکیلات توزه تدیلر

Сўнгги янгиланиш 20 январ 2013 - 15:42 GMT

اوتگن اون ییل جریانیده خبرنگار لرنینگ اساسی شکایت لریدن بیری، اولر آره سیده هماهنگ لیک و ایش بیرلیگی بولمه گنی ایدی.

مطبوعات حمایت قیلوچی قریب 10 قوریلمه و ژورنالیست لر بوگون بیر یغیلیش آرقه لی ژورنالیست لر فدراسیونی آتی بیلن ینگی بیر تشکیلات نی ایجاد ایتگن لر.
اوتگن اون ییل جریانیده خبرنگار لرنینگ اساسی شکایت لریدن بیری، اولر آره سیده هماهنگ لیک و ایش بیرلیگی بولمه گنی ایدی. شو اوچون هم خبرنگار حقلری تامین لنمه یاتگنی خصوصیده شکایت لر یوزه چیقگن ایدی .
مذکور فدراسیون مطبوعات نینگ حمایه قیلیش مقصدی بیلن شلکه نیب، رییس سیز اما بیرگه لیکده ایش الیب باریشلری اچیق لندی.
اوشبو فدراسیون مسووللریدن بیری صدیق الله توحیدی بو فدراسیون نینگ سراسری ملی بیرلشمه گه اوزگریشی اوچون سعی حرکت لردوام تارتیشنی ایتدی.
" بیز ایشیمیز نی فدراسیون دن باشله دیک، یعنی بیر مدتی همکارلیک و هماهنگ لیک دن کیین، فدراسیون نینگ برچه اعضالری، و حاضر بیزبیلن بیرگه بوله یاتگن نهادلر همده کیله جکده بیرگه بوله یاتگن نهاد لر، بیرلیکده افغانستان ژورنالیستلری اوچون بیر بویوک اویوشمه توزه تیشگه اورینه میز."
شوندی بیر تشکیلات ایجاد ایتیلیشی اعلان قیلنرایکن ژورنالیست لرگه قرشی زورانلیک لر سانی آرتیب باره یاتگنی ایتیلماقده.
بوندن بیرنیچه کون آلدین کابلده بیرنیچه خبرنگار ملی امنیت خادملری تمانیدن کلتک لندی.
کاوون خموش امنیتی مقاملرنی شوندی نامقبول مناسبتی بیلن دوچ کیلگن خبرنگار لردن بیری، او ایسه کابلده یوزبیرگن سونگی انتحار هجومده خوف سیزلیک خادملری تمانیدن اهانت بولگن.
هرچند ملی امنیت اداره سی شوندی مناسبت بیلدیرگن خادملر پشیمان بولگنینی ایتدی لیکن خموش جنابلری پشیمان لیک نی قانیقرلی بیلمی امنیتی کوچلر خبرنگار لر بیلن قندی یانداشیشینی بیلیش کیره ک لیگینی اورغوله دی.
" عذر سوره ش ییترلی ایمس، خوف سیزلیک نهادلر، پولیس همده ملی اردو کوچلری ایچیده ذهنیت بیریلیشی کیره ک. یعنی ژورنالیست لر قنچه قیین چیلیک لر بیلن ساحه گه کیلیب خذمت قیلیش لری نی بو کوچلر بیلیش لری کیره ک."
شوندی بولیشگه قره مسدن خبرنگار لر حقلریدن مدافعه ایتوچی نهادلر، برچه رسانه لر و ژورنالیست لر مذکور تشکیلات ایجاد ایتیلیشی دن حمایت ایتیش لرینی سوره ماقده لر.
مذکور نهاد لر تمانیدن ترقه تیلگن معلومات لرگه کوره، اوتگن اون ییل ایچیده هلاک ایتیلگن 14 ژورنالیست دوسیه لری حاضر گه قدر تیکشیریلمه ی قالگن. همده مذکور قتل لر عامل لری نی دولت تانیب محکمه گه تارتالمه گن لیگی ایتیلماقده.
خود شو مسئله گه قرگنده، رسانه لر و ژورنالیست لر دن حمایت ایته یاتگن نهاد لر بیرگه بولیب بیر فدراسیون گه کیریش لری بیلن برچه خبرنگار و رسانه لردن جدی شکلده حمایت ایتیش لریگه امید بیلدیرماقده لر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.