BBC navigation

کابل ده ینه گروهی هجوم یولگه قوییلدی

Сўнгги янгиланиш 21 январ 2013 - 05:41 GMT

بوگونکی یولگه قوییلگن خود کش لیک هجوم دن کیین خوف سیز لیک کوچلر و عصیانچیلر آره سیده یوز بیرگن آلتی ساعت لیک آتیشمه لر نتیجه سیده بیش انتحارچی و اوچ پولیس مأموری هلاک ایتیلگن.

مذکور هجومچی لر، بوگون ایرته لب تانگده، کابل پولیسی نینگ ترافیک اداره سی قرشی سیده هجوم قیلیب، مذکور بناگه کیرگن دن کیین، خوف سیزلیک کوچلر بیلن توقنه شگن لر.

پولیس گه کوره، هجومچی لر آغیر و اینگیل قوراللر بیلن جهازلنگن ایکن لر. بیرینچی دن بیر موتر نی ترافیک ایشیچی قرشی سیده پارتله تیب کیینچه لیک باشقه هجوم چیلر بناگه کیریشگه موفق بولگن لر.

هجوم چیلر نینگ ایککی ته سی یره لنگن حالده اینگ آز آلتی ساعت خوف سیزلیک کوچلری بیلن اوریشگه موفق بولگن لیگی ایتیله دی.

طالبان سوزچیلریدن ذبیح الله مجاهد بیر بیانات ترقه تیب، مذکور گروهی هجوم مسوولیتی نی اوز ضمه سیگه آلیب مذکور هجوم دن اساسی مقصد، پولیس نینگ خاص کوچلری ایکن لیگی نی معلوم قیلگن.

ترافیک پولیسی نینگ مرکزی، عامه نظمی و چیگره پولیس کوچلری نینگ قوماندانلیگی یقینیده جایلشگن.

کابل پولیسی نینگ قوماندانی جنرال ایوب سالنگی گه کوره، ترافیک پولیسی اداره سی قرشی سیده موتر پارتله یشی عاقبتیده، نیچه پولیس و عادی اهالی یره لنگن.

اوتگن بیر هفته ایچیده عصیانچی لرنینگ افغان خوف سیزلیک کوچلری قرشی سیده ایککینچی گروهی هجوم حسابلنه دی. همده میلادی 2013 نچی ییل باشلینی شیدن بیری کابلده ایککینچی ایککی مرته عصیانچیلیک هجوم یولگه قوییلدی.

اوتگن چهارشنبه کونی آلتی انتحارچی شخص، کابل شهریده جایلشگن ملی خوف سیزلیک اداره لری نینگ بیریده هجوم اویوشتیریب، نتیجه ده بیر خوف سیزلیک عسکر و 17 کیشی یره دار بولدی.

طالبان گروهی نیچه خود کش لیک هجوم مسوولیت لرینی جمله دن اوتگن هفته ده کابلده گی خوف سیزلیک اداره لری نینگ بیریده یولگه قوییلگن هجوم مسوولیتی هم اوز ایلکه سیگه آلگن ایدی.

بوگونکی یولگه قوییلگن گروهی عصیانچیلیک هجوم باره سیده اجتماعی ترماق لرده کینگ کولمده یازیلدی.

فیس بوکدن بیرقنچه فایده لنه یاتگن لر حادثه باره سیده عکس لر و ویدیو لر ترقه تسه لرده بیراق بیرقنچه عادی اهالی کابل وضعیتی انچه یمان بولگنی دن خواطر اظهار ایتیب حکومت نینگ خوف سیزلیک نی تامین قیله آلمسیکگه عیب له گن لر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.