BBC navigation

مدنی تشکیلاتلر: محلی رسمیلر مجرم لردن حمایت ایته دیلر

Сўнгги янгиланиш 22 январ 2013 - 12:14 GMT

بیر قنچه مدنی تشکیلات لر ادعا سیگه کوره، عیال لر گه نسبتن بولگن زوروانلیک لر عامل لری مملکت ولایت لریده محلی حاکم لر تمانیدن قوییب یوباریله دی.

مذکور تشکیلات لر نینگ معلوم قیلیشیچه، اگرده عیب دار شخص لر نی معاف قیلیش جریانی دوام ایتسه، عیال لر قرشی سیده گی زوراوانلیک لر اینیقسه جنسی زورلش رقمی کون سایین کویه ییشی ممکن.

مدنی تشکیلات لر تمانیدن عیبلاو قطاریگه کیرگن محلی رسمیلر و پارلمان اعضالری مذکور ادعالرنی اساسی یوق دیشیب، اولر عیال لر حق و حقوقی دن حمایت ایتیشی دن سوز یوریته دیلر.

مذکور تشکیلات لر غزنی و دایکندی ولایت لرینی نمونه قیلیب مطبوعات یوزیگه چیقردیلر.

مدنی فعاللریدن حسین باهیر ایریم مدنی تشکیلات لر نماینده لیگی دن غزنی ولایتی ده سونگی پیت لرده عیال لر قرشی سیده جنسی زورلش رقمی کوپه یگنی نی معلوم قیلیب، عیب دار شخص لرنینگ قوییب یوباریلیشیده محلی رسمیلر و پارلمان بیر قنچه اعضالری نینگ قولی بارلیگینی ادعا قیله دی.

" محلی حاکم لر قضیه لرنینگ حل قیلیش اورنیده، کیسه لری نینگ تولدیریشگه اورینه دیلر. بیر مجرم اوشله ب آلینیشی بیلن ایککی- اوچ کون نی قماق گه اوتکزه دی کیین چه لیک آزاد ایتیله دی. بو مجرم لر خارج گه هم کیتمه یدیلر بلکه اوشه ییرده آزادانه شکلده یوریدیلر. اما تأسف بیلن مرکزی حکومت، مذکور قضیه لر باره سیده پروا سیزلیک قیله دی".

هرچند مدنی تشکیلات لر محلی رسمیلر و پارلمان اعضالری نینگ اسمی نی توتمه ی عیب له یدیلر اما غزنی ولایتی نینگ بیر قنچه نماینده لری و محلی رسمیلری یولگه قوییلگن مذکور ادعا لرنی رد قیلیب، بوموضوع نی حجت لر بیلن آچیق لش لری ضرور لیگی اوستیده تاکید قیله دیلر.

غزنی حاکمی موسی خان اکبرزاده هم بی بی سی بیلن بولگن صحبتیده، مدنی تشکیلات لر ادعالرینی اساسی یوق دیشیب، مجرم لر اصلاح بولیشیده یگانه یول قانون نینگ تطبیق بولیشینی ایتدی.

" مین سیزگه ایشانچ بیره من کی غزنی ولایتیده گی عدلی و قضایی ارگان لریمیز، مجرم لرنینگ قوییب یوباریشیده انچه کوز قره ته دیلر. یعنی مجرم شخص نی و جامعه گه ضرر ییتکزه یاتگن شخص نینگ قوییب یوباریشیده هیچ قنده ی مصلحت نی قبول قیلمه یدی."

مذکور ادعا لر شونده ی بیر حالده یولگه قوییلگن کی غزنی ولایتیده صابره اسملی بیر قیز صحرایی محکمه گه تارتیلیب مشروع سیز علاقه لری بارلیگی عیب لاوی بیلن دُرره اوریلدی.

افغانستان ده عیال لر قرشی سیده تورلی خیل زوراوانلیک لر یولگه قوییلیشی نیچه ییل دن بیری کوپراق یوزه گه چیقماقده. اما بو کی مذکور زوراوانلیک لر عامللری محاکمه گه تارتیلمه قاچیش لری کوپ گینه خواطر لرنی توغدیریب کیلماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.