BBC navigation

تاریخ بوییچه بیرینچی بار تومن حاکمی صفتیده بیر عیال ایشگه باشله دی

Сўнгги янгиланиш 22 январ 2013 - 12:37 GMT

افغانستان حکومتی تمانیدن یولگه قوییلگن بیلله شوو پروسه سیگه اشتراک ایتگن خانم سایره شکیب سادات جوزجان ولایتی نینگ خواجه دوکوه تومنی حاکمی صفتیده موفق بولگن.

خانم شکیب سادات بوندن آلدین فیض آباد تومنیده حاکم بولگن خبر لر هم چیقگن ایدی اما بوگون رسمی شکلده جوزجان حاکمی محمد عالم ساعی تمانیدن مذکور ولایت خواجه دو کوه تومنی حاکمی صفتیده تانیشتیریلدی.

سایره شکیب سادات مملکت تشقی ایشلر وزیری لیگی همده پارلمان وزیرلیگی نینگ ایریم اداری لوازم لریگه ایشله گن.

خانم شکیب سادات، رسانه لر بیلن بولگن صحبتیده، اوز آرزو و ایسته گی گه قول تاپگنی اوچون خرسند لیگی نی ایتیب، خلق گه خذمت قیلیش اوچون جدی شکلده سعی و حرکت قیلیشی نی هم بیان ایتگن.

سایره شکیب دن تشقری، مملکت بامیان والی سی خانم حبیبه سرابی، دایکندی بلدیه سی نینگ رییسی عذرا جعفری، دولت نینگ محلی مهم عیال رسمیلریدن حسابلنریدی.

حاضر هم افغانستان پارلمان اعضالری نینگ 25 فایزینی عیال لر تشکیل بیره دی. مذکور 25 فایز 60 کیشی دن کوپراق بوله دی.

شو نینگ دیک جمهور رییس کابینه سی نینگ عیاللر و ساغلیک نی سقله ش وزیرلری هم عیال لر دیر.

ایتیش کیره ک کی خانم سایره شکیب، عیاللر و ساغلیک نی سقله ش وزیری اوزبیک بولیب، شونینگ دیک پارلمانده گی 60 عیال وکیل لرنینگ ایچیده هم بیر قنچه اوزبیک ملت وکیللر هم بار.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.