BBC navigation

مزارشريف شهريده بير عيال جسدي تاپيلگن

Сўнгги янгиланиш 23 январ 2013 - 12:57 GMT

عیاللرگه قرشی زوروانلیک لرنینگ کوپیگنی سونگی وقت لرده قید ایتلگن .


افغانستان شماليده گي بلخ پوليس خادملري نينگ ايتيشيچه، اولر قيرق بيش ياش اطرافيده بولگن بير عيال جسديني تاپيشگن. عيال جسدي، مزارشريف شهري نينگ ايككينچي حوزه سي يقينلريدن تاپيلگن.
بلخ پوليس سوزلاوچيسي، شيرجان دراني نينگ بي بي سي گه عيان قيليشيچه، عيال كيشي قاپگه سالينيب، اريققه تشلب يوباريلگن. اونينگ علاوه قيليشيچه، هلاك بولگن خاتين نينگ اوليم سببي آچيق ايمسليگي بيلن بيرگه، اونينگ كيمليگي هم نامعلوم. جناب دراني نينگ تخمينيگه كوره، او عيال بوغيب اولديريلگن.
نامعلوم شخصلر تمانيدن يكسان ايتيگن عيال نينگ اوليك جسمي، مزارشريف كسلخانه لريدن بيريگه كوچيريلگن.
پوليس خادملرينينگ ايتيشيچه، همان بو عيال نينگ يقينلريدن بير كيشي هم اوني ايزلب كيليشمه گن. اولرگه كوره؛ اونينگ تانيشلريدن كيمدير تاپيلگنده گينه،‌ سيرلي اوليمي حقيده بيليش ممكن.
حادثه يوزه سيدن جنايي ايش آچيلگن، خوفسيزليك مسوللري زودليك بيلن حادثه دليلي اورگنيش اميديده.
تخار و قندوز همده تخار و بدخشان ولایت لری اره سیده گی شاه یوللرده اوغرلیک حالتلری نینگ کون ساین کوپ سانده روی بیریشی اکثریت اهالینی خواطرگه سالگن .
اما تخار پلیس کوچلری بو کبی وضعیت نی الدین الیش اوچون ، یول کناریده کی تیکشرش قرارگاه لرینی کوپیترگنینی ایتماقده . همکارم مبین غفوری یقینده ، یول کناریده قورلگن خوف سیزلیک پسته لریدن بریده باریب پلیس نینگ فعالیتنی نظارت قیلگن .

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.