BBC navigation

احتیاج مندلر اوچون قریب 500 میلیون دالر یاردم طلب قیلیندی

Сўнгги янгиланиш 26 январ 2013 - 14:22 GMT

قریب بیش یوزمیلیون امریکالیک دالر یاردم طلب قیلیشگن.اوشبو

بیرلشگن ملتلرتشکیلاتی نینگ افغانستان اوچون همآهنگلشتروچی اداره سی وافغان حکومتی قریب بیش یوزمیلیون امریکالیک دالر یاردم طلب قیلیشگن.اوشبو یاردم ایسه افغانستان بویلب میلادی 2013 ییلده بشری یاردم لربویچه برنامه لرگه صرفله نیشی اینابتگه آلینگن.

افغان رسمیلری هماهنگ لیک بیلن بو ریجه ایشلب چیقاریلیشینی طلب بولینگن یاردملرنی مناسب و اوز وقتیده صرف ایتلیشگه ایشانچ بیلدیرگن. سونگی وقتلرده بشری بولیم لرده بوله یاتگن یاردم لر مقداری آزه یگنی ایتیلماقده.

مسوول کیشی لرگه کوره، اوشبو یاردم قولگه کیتریلگن حالده، افغانستان نینگ اوتیز تورت ولایتیده بشری یاردم لرگه محتاج بولگن عایله لرگه ترقه تیلیشی اینابتگه آلینگن. اما قندهار، ننگرهار، غزنی و کنر ولایتلریده کوپراق اعتبار بیریلیشی قیدایتیلگن. مسووللرنینگ ایتیشلریچه، باشقه ولایت لرگه قره گنده بو ولایتلرده گی بشری قینچلیک لر کوپ بولگن. افغانستان قیشلاق لرنی رواجلنتریش وزیرلیگی و طبعی آفت لرگه قرشی کوره ش اداره سی نینگ اورین باسری ویس برک میلادی 2013 نچی ییلده افغانستانده کمبغلاهالی اوچون 471 میلیون امریکالیک دالر طلب قیلینگنینی ایتدی. شونینگ دیک برمک جنابلری بو یاردم لر قیسی بولیم و انیق قنده ی عایله لرگه ترقه تیلیشینی قوییده گی چه اچیق له دی:"بیرینچی نیازمندلیک لر انیق لنگن، بیز بو مبلغ نی بیش بولیمده صرف قیلماقچی میز، بیرینچیدن طبعی افت لرگه قرشی کوره شیش بولیم، انه لر وباله لر اولیمی نینگ الدینی کمیتریش، مهاجرت دن قیتگن و ایچکی قاچقینلرگه یاردم بولیشی ممکن شونینگدیک، اوته کمبغلیک بیلن حیات اوتکزیب کیله یاتگن قریب سککیز ملیون عایله لراوچون هم ایریم یاردم لر بوله دی."

میلادی 2014 نچی ییلدن سونگ مسوولیت لرنینگ کوپ قسمی افغان حکومتی گه تاپشریلیشی ایتیلماقده، عین حالده، افغانستان اقتصادی انقراض بیلن هم دوچ کیلیشی ممکن دیگن خواطرلرهم یوزه گه چیقماقده.

افغانستان بوییچه هماهنگلشتروچی مرکز مسوولی مارک باودن، اوتگن ییل دنیاجماعه چیلیگی تمانیدن وعده بیریلگن یاردم لرنینگ برچه سی بیریلمه گنی تشویشلنتروچی بیر خبر بولگنینی ایتدی:"کوپ بشری یاردم گه نیازی بولگن بیر اولکه گه، آز یاردم بیریش تشویش لربیلن بیرگه بوله دی. افغانستان اوچون بیزنینگ طلب لریمیزگه قانیقرلی جواب بیریلمه دی. اوتگن ییل بشری یاردم نینگ ییللیک فایز کیمیب بو ایسه افغانستان خلقی نینگ حیاتیگه جدی تاثیر قالدیردی.".

افغانستان قیشلاق لرنی رواجلنتریش وزیریگه کوره، ایریم چیت اولکه لر اولرنینگ بوطلب لریگه مثبت جواب بیریب یاردم قیلیشینی ایتگن لر. اما قیسی اولکه قنچه یاردم قیلیشی باره سیده انیق معلومات بیرمه دی، لیکن او حاضرگه قدر بیریلگن وعده لر عملگه آشیریلسه، آلغه سوریلگن یاردم نینگ کتته قسمی قولگه کیلشیگه امیدوار لیک بیلدیره دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.