BBC navigation

کابلده اوروش قربانلری نینگ کورگزمه سی یولگه قوییلدی

Сўнгги янгиланиш 29 январ 2013 - 04:20 GMT

افغانستان انسان حقلری و دموکراسی اداره سی 16 تشکیلات و کانادا ایلچیخانه سی نینگ همکارلیگی بیلن کابلده ایکی کونلیک کورگزمه یولگه قویلدی.

اوشبو کورگزمه ده اوتگن اوروشلر دن قالگن اثرلر و زیانلری باره سیده یاشلر گه معلومات بیریله دی. موضوع تصیلاتی بیلن کابلدن حیا ت الله شیبان

بوگون کابلده اچیلگن ایککی کونلیک کورگزمه ده اشتراک ایتگن اوروشلرده قربان بولگن شخصلر یقینلریدن بیری اویسه افغانستانده داکتر نجیب الله حاکمیتی دوریده اوز تورمیش اورتاغی نینگ قولدن بیرگنینی حکایه قیله دی. حاضرهم اوتمیشده گی یمان خاطره سینی اونوتمه گن.:"خاطره م نی هیچ ایته آلمه ی من، 71 ییلدن بیری تینچلیک نی کورمه دیک، 20 ییل ایچیده ایسه کوپ شهید بیردیک و کمبغلیک و اوروش دن باشقه نرسه نی کورمه دیک "

بو کورگزمه افغانستان انسان حقلری ودموکراسی اداره سی تمانیدن یولگه قوییلگن، اوشبو تشکیلات رییسی خدا داد بشارت، کورگزمه دن اساسی مقصد یاشلرنی اوروش نینگ خطرلری و ضررلری دن خبر دار قیلیش و اوز مملکتی ده تینچلیک تامینلنیشی اوچون هر تمانلمه سعی و حرکت آلیب باریشگه فعال حصه قوشیش دیدی.

ابیز یاشلر نی اوروش باره سیده آگاه لنتیره میز، اونینگ عاقبتلری و زیانلردن اوزلرینی اسره ش همده بو مسله یاشلر نی اوز مملکتی ده تینچلیک تامینلنیشی ده یاردم بیره دی. و بیز شو سبب دن کورگزمه نی یولگه قویدیک/

اونینگ ایتیشیچه، مذکو کورگزمه ده کمیده تورت دهه ایچیده عملگه آشیریلگن ناخوش واقعه لرنینگ خاطره لر جمعلنگن. کورگزمه ده کمونستلر، مجاهدلر، طالبان و حتی حاضرگی تیزیم ده قربان بولگنلرنینگ خاطره لری نمایش اییتیلگن.

هلمند ولایتیدن کابل ده برپا ایتیلگن اوروش قربانلری حقیده گی کورگزمه گه کیلگن فرهاد اسملی شخص اوروش خاطره سینی بونده ی آچیقله یدی:" مینینگ برچه فرزندلریم اوروشده هلاک بولدی. مین مملکتده تینچلیک تامینلنیشی نی خواهله ی من. باشقه هیچ نرسه ایسته مه ی من."

اوروشده نه فقط انسانلر قربان بولگن بلکه، بیرقطار انسانلر لادرک یوقالیب کیتگنلر. کورگزمه ده اوروش ده قربان بولگن و درک سیز یوقالگنلریدن هم یقینلریگه معلومات بیریله دی.انه شو مقصد اوچون اوز یقینلرینی یوقاتگن اوشبو شخص بو حقده بونده ی دییدی:".بیز اوشبو تدبیر نی خوش قرشیله ی میز. مینی بوییرگه کیلگنی دن مقصد اوتمیشده گی اوروشلرده یقینلریدن بیر نیچه نفر درک سیز یوقالگن. اولردن بیرار خط و خبر بارمی ایکن دیب بو ییرگه کیلدیم.

افغانستان ده اوتیز ییلدن بیری دوام یتیب کیله یاتگنلر ایچکی اوروشلرده مینگلب انسان اوز حیاتی نی قولدن بیریب، بیرقطار معلول و درک سیز یوقالگن.

اما دولت حاضرگه قدر قربان لرنینگ کیملیگی نی انیقلشتیریش اوچون هیچ قنده ی چاره تدبیر کوریب چیقمه گن. قربان یقینلری ایسه هر دایم دولت دن اوروش جنایتچیلری محکمه ایتیلیشی نی سوره ب کیلگنلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.