BBC navigation

کرزی: قوشنی مملکت لر بیلن سوو مسله سینی محاکمه قیله میز

Сўнгги янгиланиш 29 январ 2013 - 12:39 GMT

افغانستان جمهوررییسی حامدکرزی سوو نی انتظام لش کنفرانسیده سوو مسله سینی قوشنی مملکت لر بیلن محاکمه ایتشینی اورغولب، سووتوغانلری بوندن کیین افغانستان دولتی تمانیدن مستحکم له نیشی کیره ک لیگی حقیده تاکیدله دی.

اوشبو ییغینده حامدکرزی، سوو منبع لری اهمیتیگه کته بها بیریب، دینا هم جمعیتی تمانیدن سوو توغانلری قوریلیشی خصوصیده عملگه آشیریلگن یاردملردن منتدارچیلیک بیلدیریب، بوندن کیین سوو توغانلری دریا لر قیرغاغلری مستحکملنیشی نه فقط دنیا همجمعیتی یاردملری بیلن عملگه آشیریلیشی کیره ک، بلکه افغانستان دولتی و خلقی اوزیگه عاید سوو وباشقه معمالرینی برطرف ایتیشی کیره کلیگی باره سیده تاکیدله دی.

او ، افغانستان دریا لرنینگ سوولریدن فایده لنه آلمه ی، قوشنی مملکتلراوندن فایده لنه یاتگنی نی ایتدی. کرزی، قوشنی مملکتلر گه کیته یاتگن دریا لرنینگ سوویی باره سیده اولر بیلن مذاکره آلیب باریشی حقیده تاکیدله دی:" قوشنی لری میز بیلن مذاکره قیلیشیمیز اوته مهم، افغانستان اینگ کوپ سووی قوشنی ممکتلرگه کیته دی. قوشنی لریمیز اوشبو سوولردن فایده لنه دیلر، حال بوکه افغانستان اوزی شو سوولر دن فایده لنیب، سوو وبرق توغانلرینی قوریشگه احتیاجی بار. بیز قوشنی لریمیزنینگ سوو گه حقدار بولگنلیگی نی انیقلنتیره میز، حقدار بولسه سوو بیره میز.اما بیزنینگ قوشنی لریمیز افغانستان ترقیات و یخشی حیات گه ایریشیشگه حقلی بولگنی نی انگلشی کیره ک."

کرزی جنایلری شونینگ دیک، افغانستان قوشنی لری بیلن قوشنیلیک و دوستلیک اساسیده سوو مسله سینی حل قیلیشی نی ایتیب، آمودریا قیرغاغلری مستحکملنیشی باره سیده هم علحیده تاکیدله دی.

افغانستان سوو وبرق وزیری محمد اسماعیل خان افغانستان سوو و دریا لری کوپ بولگن مملکتلرجمله سیدن ایکنی نی تاکیدلب، اوروشلر جریانیده دریالرنینگ سووی دن اساسی شکلده فایده لنمه ی، ایکینچلیک و برق توغانلری قوریلمه گنینی ایتدی.

اونگه کوره، افغانستان نینگ ییر آستی و ییر اوستی سوولری نینگ ییللیک مقداری 75 میلیارد مکعب گه تخمین قیلینیب، اوندن بیرمقداری فایده لنیب، قالگنی قوشنی مملکتلرنینگ فایده سیگه آقیب کیتگنی نی معلوم قیلدی:" سوو وبرق وزیرلیگی مملکت نینگ سوو منبع لریدن یترلی درجه ده برق و انرژی قولگه کیریتیب، کمبغللیک و ایش سیزلیک نی آزییتیریش اوچون دایمی فایده لنیشی مقصدیده بیر قطار تاثیرلی استراتیژی و لایحه لرنی نظرده توتگن. سوو منبع لری همده ذخیره لر ملی رواجلنیشی اوشبو استراتیژی و لایحه لر آرقه لی انتظام لنه دی .

سوو وبرق وزیریگه کوره، اوشبو استراتژی لریدن بیری سوو وبرق استراتیژیسی سکتوری بولیب، افغانستان ملی رواجلنتیریش استراتیژیسی اساسیده عملگه آشیریله دی. اونینگ ایتییشیچه، نظرده توتیلگن لایحه لر عملگه آشیریلیشی اوچون احتیاج سیزیله دیگن خرجت لر مقداری باره سیده کابل ، پاریس و توکیو کنفرانسلریده بحث آلیب باریلگن.

او، مملکت سوولری ایچکریده اساسی شکلده فایده لنمه گنی، ملی ترقیات سکتورلری اینیقسه ایکینچلیک رواجلنیمه ی قالگنی، افغانستان نینگ خارجی مملکتلر نینگ آذیق اوقت یاردملریگه محتاج بولیشی گه سبب بولگنی نی ایتدی.

سوو وبرق وزیری دنیا هم جمعتی دن کون سیین خطر توغدیره یاتگن هوا افلاسلنیشی و ایسیب باریشی آلدی آلینیشی اوچون، سوو منبعلری گه جدی اعتبار قره تی نی سوره دی.

افغانستان اوتگن 11 ییل دوامیده سوو منبع لرینی انتظاملش و توغانلرنی قوریش ساحه لریده دینا هم جمعیتی دن میلیون لب دالر قولگه کیریتگن. عینآ شو کون نینگ اوزیده اورپا بیرلیگی ساغلیق و سوو منبع لریدن فایده لنیش اوچون افغانستان گه 185 میلیون یورو یاردم قیلدی.

افغانستان 8 میلیون هکتار ایکین ییرلریگه ایگه، بوندن 5 بوتون 3 میلیون هکتاری ایکیشگه سزاوار. افغانستان رسمیلری، دریا لر جریانی و سوو تاشقینلری آلدی آلینمه گن تقدیرده، بیر تماندن سوو منبع لری گه ضرر ییته دی وباشقه تماندن زراعت ییرلری اورته دن کیتیشی ممکنلیگی باره سیده آگاه لنتیرگنلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.