BBC navigation

بنگی وار قاچاقچیلری تخارو تاجیکستان چیگره سیده اولدیرلدی

Сўнгги янгиланиш 2 феврал 2013 - 14:02 GMT

بنگی وار قاچاقچی لری افغانستان شمال شرقیده کی جیگره لرنی ناقانونی روشده کیسیب اوتدی

تخار ولایتی آرقه لی تاجیکستان گه چیگره نی کیسیب اوتیشگه حرکت قیلگن بنگی وار ماده قاچاقچیلری و تاجیکستان چیگره چی لری آره سیده توقنه شو روی بیرگن. تخار ولایتی نینگ پلیس سوزچی سی عبدالخلیل اسیر توقنه شوعاقبتیده ایکی قاچاقچی هلاک بولیب قالگن تورت نفر ایسه بی درک یوقالیب کیتگن.

رسمی لر 6 نفردن عبارت بولگن قاچاقچی تخار ولایتی نینگ دشت قلعه تومنی آرقه لی تاجیکستان گه اوتماغچین ایکن.

"دشت قلعه تومنی نینگ عرب کاکل منطقه سیدن آلتی نفر بنگی وار قاچاقچی لری جیگره نی کیسیب تاجیکستان گه اوته یاتگن پیتی تاجیکستان چیگره چی لر بیلن توقنه شگن.نتیجه ده ایکی نفر هلاک بولگن . هلاک بولگنلردن بیری نینگ جسدی تخار پلیسی گه تاپشیرگن،" دیب ایتگن تخار پلیس کوچلری سوزچی سی.

دستلبکی تیکشرو لر نتیجه سیگه کوره جسدی تاپشیرلگن شخص رستاق تومن نینگ هزار سموچ منطقه سی اهالی سی بولگن . بی درک یوقالیب کیتگن قاچاقچی لرینی قیدره یاتگن رسمی لر بو گروه نینگ کیم بولگنی و قنچه بنگی وار ماده لرنی اوزلری بیلن تاجیکستان گه آلیب اوتشگنی خصوصده معلوماتلرنینگ بولمه گنینی ایتگن.

افغانستان شمال شرقی ده کی چیگره نی ناقانونی بیرشکلده کیسیب اوتیش حاللری تیز-تیز روی بیریب توره د ی. عینی چیگره آرقه لی بنگی وار ماده لر تاجیکستان گه قاچاق ایتله دی .

افغانستان و تاجیکستان جیگره چی لربو کبی ناقانونی فعالیت لر الدینی الیش اوچون ایترلی سعی حرکت قیله یاتگنلرینی ایتیب کیلماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.