BBC navigation

فارياب ده اميرتيمورآتلي اجتماعي ومدني اويوشمه ايجادايتيلدي

Сўнгги янгиланиш 4 феврал 2013 - 10:47 GMT

يقينده پشتونكوت تومني ياشلري تمانيدن ميمنه شهريده امير تيمورناملي اجتماعي ومدني اويوشمه ايجاد ايتيليب فعاليت گه باشله گن.

بو مدني اويوشمه مسووللري گه كوره حاضرگه قدر بو اويوشمه 70دن آرتيق اعضا گه ايگه بولگن.

اميرتيمور ناملي مدني اويوشمه ده ياشلرنينگ سوزله شيش قابليت لري آشيشي اوچون هفته ده بير كون سوزله شووكنفرانسي هم يولگه قوييله دي.

اوشبو مدني اويوشمه مسوولي عبدالرسول تولقين گه كوره بومدني اويوشمه نينگ اساسي فعاليت لري تيل، تاريخ وياشلربيليم لري آشيشي باره سيده گي ساحه لرگه قره تيلگن.

شونينگ ديك اوكوپلب عايله لراوزفرزندلري بواويوشمه گه اعضاليك كه قبول بوليش لري اوچون هرقنده ي مادي امكانيت بيريشگه تيارايكن لريني بيلديرگن لريني ايته دي.

بو اويوشمه چوكاتيده امير تيمور ناميده آيليك جريده هم فعاليت گه باشلب بيرينچي ساني چاپدن چيققن.

درس وتعليم دن اوزاق بولگن ياشلرني ييغيب علم ومعرفت تمان ترغيب ايتيش اوچو ن مدني حركت لرجانله نيب فعاليت لري كينگه يشي ايسه ايجابي ديب بهالنه دي.

محمد حامد تابش نينگ معلوم قيليشيچه مدني اويوشمه لرده يره تيليب كيله ياتگن امكانيت لرياشلرنينگ بيليملري آشيشيگه سبب بوله دي.

آنه تيلي گه كونگيل قوييب تحصيل آلگن ياشلردن قدرت الله قيپچاقي يقينده اوزبيك تيلي ني بيتديريب چيققن او اوز بيليم لري ني باشقه لرگه ييتكزيش اوچون فقط مدني تشكيلات لرتمانيدن خذمت كورسه تيش ممكن ديب ايته دي.

ياشلردن شمس الله بيرخلق قرانغوليكدن چيقيب ياغدوليك يولني تنله شي اوچون مدني حلقه لرده تربيه لنگن تويغولي بيليمدان ياشلرگه احتياجي بارليگي ني تيل آله دي.

هرچند فارياب ولايتيده ينگي دن فعاليت گه باشله گن اميرتيمور اجتماعي ومدني اويوشمه سي اوخشش بيرقطارمدني اويوشمه لرتشكيل تاپيب بوكبي مقصد لرني ايلگري سورگن ايديلر اما بولردن اكثريسي فعاليت لري نتيجه لي بولمي آتي بيلن چيكله نيب قالگن.

بيراق امير تيمورمدني اويوشمه سي نينگ اعضالري ايلگري سورگن مقصدلري اوزعملي افاده سي ني تاپيش اوچون چاره كورگن لريني تاكيدله ماقده لر

بوندن آلدين هم ميرزا اولوغ بيك ناملي مدني اويوشمه پشتونكوت تومني نينگ ياشلري تشبثي بيلن قوريلگن ايدي.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.