BBC navigation

ساغلیقنی سقلش وزیرلیگی: سرطان کسللیگینی تیکشریش مرکزی آچیله دی

Сўнгги янгиланиш 4 феврал 2013 - 13:34 GMT

افغانستان ساغلیق نی سقلش وزیرلیگی، یقین آره ده خلق ارا اتوم انرژیسی و عالی اوقوو وزیرلیگی نینگ همکارلیگی بیلن سرطان کسللیگینی تیکشیریش و دوالش مرکزی ایجاد ایتیلیشیدن خبر بیردی.

سونگی پیتلرده افغانستانده سرطان کسللیگی گه چلینگن لر سانی آشیب باریشی، کته تشویشلر گه سبب بولگن. شفاکارلر، مملکتده اوشبو کسلیککه چلینگن لر سانی آشیب باره یتگنی گه، مملکتده دوالش زمانوی مرکزلر موجود بولمه گنی نی اساسی سبب قیلیب کورستماقده لر.

دولت هم هنوزگچه اوتگن اون ییل دوامیده سرطان کسللیگی نی تیکشیریش و دوالش مرکزلری نی ایجاد ایتیشگه قادر بوله آلمه گن. اهالی ایسه، اوشبو کسللیک افغانستان شفاخانه لریده دوالنمه ی یاتگنی دن شکایت قیلماقده لر.

هر ییلی دینا بویلب اوتکزیله یاتگن سرطان کسللیگه قرشی کوره ش خلق ارا کونی نی نشانلش مراسملریده، دنیا دولتلری اوشبو کسللیک نی آلدینی آلیش و اونی یوق ایتیش اوچون جدی چاره تدبیر کوریب چیقه یاتگن بیر پیتده، افغانستان ده اوشبو کسللیککه چلینگن لر سانی آشیب باره یاتگنی ایتیله دی.

افغانستان دولتی حاضر گه قدر سرطان کسلیگی نی دوالش و اوشبو کسلیکنی تیکشیریش زمانوی درمانلش مرکزلرینی ایجاد ایتیشگه قادر بوله آلمه گن.

اما ساغلیق نی شقلش وزیرلیگی سوزلاوچیسی داکتر کنشکا ترکستانی اوشبو وزیرلیک بیرقطار اداره لر نینگ همکارلیگی بیلن کابلده سرطان کسلیگی نی تیکشیریش مرکزی نی ایجاد ایتیشگه سعی و حرکت آلیب باره یاتگنی نی ایته دی.

مملکت بیرقطار شفاکارلری، افغانستان ایچکریسیده زمانوی مرکزلر ایجاد ایتیلگن حالده، سرطان کسلیگی نی تیکشیریش و اوشبو کسللیککه چلینگنلرنی دوالش امکانی میسر بولیشی ممکنلیگی نی ایتماقده لر.

اولرگه کوره، سرطان کسللیگی گه چلینگن آدملر هر کونی اولرنینگ ساغلیق مرکزلریگه دوالنیش اوچون مراجعت قیله دیلر، اما لازم امکانیت لر یوقلیگی سبب، اولرنی دوالشگه قادر بوله آلمه یدیلر.

اما اهالی، اوشبو کسللیک میزانی آشیب باره یاتگنی و کسللیک نی دوالش اوچون مملکتده اساسی مرکزلر یوقلیگی دن شکایت ایتماقده لر. اولرگه کوره، مملکت نینگ هیچ بیر منطقه سیده سرطان کسللیگی نی تیکشیریش و دوالش مرکزی موجود بولمه گن. اوکه سی نی سرطان کسللیگی عاقبتیده قولدن بیرگن اوشبو شخص، اوکه سی نینگ کسللیگی مملکت ایچکریسیده تیکشیریلمه گنی نی ایته دی.

حاضرگی کونده سرطان کسللیگیگه چلینگن لر، دوالنیش اوچون پاکستان و هندوستان مملکتلریگه کته مبلغ صرفلب، مراجعت قیلیشگه مجبور لر..

افغانستان ده سرطان کسللیگگه چلینگنلر سانی آز بولمه ی، هر ییلی اوشبو کسلیک طفیلی مینگلب انسان جانی یوقته یاتگنی ایتیله دی. ساغلیق نی شقلش وزیرلیگی افغانستانده سرطان کسللیگگه چلینگنلر اوچون انیق حسابات عملگه آشیریلمه گنی نی ایتدی.

ترقلگن حساباتلرگه بنا، ییلی گه دنیا بویلب، سرطان کسللیگگه چلینگن 12 بوتون اوندن ییتی میلیون انسان رویخطگه آلینیب، اولردن 7 بوتون اوندن 6 میلیونی اوشبو کسللیک عاقبتیده حیاتی نی قولدن بیره دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.