BBC navigation

هلمند اهالیسی: کجکی توغانی قوریش ایشی باشلنمه سه نمایشی میز دوام ایته دی

Сўнгги янгиланиш 9 феврал 2013 - 12:53 GMT

بوگون اونلب هلمند لیک لر کابلده ناراضیلیک نمایش اویشتیردیلر. نمایشچیلرگه کوره قیته قوریش، امنیت ، ساغلیق و تعلیم ساحه سیده دولت نینگ اعتبارقره تمه گنی اولرنینگ کابلگه کیلیب نمایش اویشتریشگه مجبورلنتیرگن.

اولرنینگ طلب لریدن بیری هلمنده گی کجکی برق توغانی نی قوریش بولگن. اولرگه کوره اوشبو توغان مردم اوچون کته اهمیت گه بولیب بیراق دولت هیچ قندی بها بیرمه گن.

برق ، قیته قوریش امنیت ایستیمیز دیگن شعارلرنی کوتارگن اوشبو ناراض کیشیلر، بیرینچیدن سووبرق وزیرلیگی بیناسی قرشیسیده توپلندیلر.

اولرگه کوره هلمند ده قیته قوریش دستورلردن مهمی کجکی برق توغانی بولگن. بوحقده نمایشچیلردن بیری بونده ی گپ باشله یدی:"بیزحاضرسوو وبرق وزیرلیگی نینگ قرشی سیده توپلنیب، اعتراض بیلدیریب توریمیز. بیز اوشبو وزیرلیک دن هلمند نینگ کجکی برق توغانی نی منظور قیلیشی نی ایسته ی میز. لیکن اوشبو وزیرلیک ایش باشلش نی ایسته مه یدی. چونکه بولر اوز منفعتلرینی قیدیره دیلر."

اوتگن اون ییلده امنیت یخشی بولمه گنی، کجکی بند توغانی قوریلمه ی قالگنی گه اساسی توسیق ایکن لیگی اورغولنگن.

اما حاضرگی کونده هلمند رسمیلری کجکی تومن خوف سیزلیگی یخشی بولگنینی ایته دیلر. هلمند ولایت حاکمی سوز چیسی احمد زیرک وضعیت یخشی بولگنده هم نیگه سووبرق وزیرلیگی کجکی توغانی ایشینی باشلمه یاتگنینی تیلگه آله دی:"بیزنینگ خاص قینچیلیگی میز یوق، کجکی امنیتی تامین بولگن جناب والی هم اوزلری توغاننی یقیندن کوریب چیقدیلر. بیزده بوحقده هیچ قندی معما یوق. معما فقط گینه مرکزده."

سووبرق وزیرلیگی مسووللری نینگ فکرینی اورگه نیشگه حرکت قیلدیک، اما موفق بولمه دیک.

نیچه هفته الدین سوونی انتظام لش اوچون یولگه قوییلگن کنفرانسده جمهوررییس کرزی مهم توغانلرنی قوریشگه دنیاجماعت چیلیگی اعتبار بیرمه یاتگنینی ایتگندی. همده او، دولت اوزبودجه سیدن بوکبی توغانلرنی قوریشگه حرکت قیلیشینی تاکیدله گن ایدی. بیراق سوو برق وزیرلیگی کته سوو برق توغانلرینی قوریش اوچون ییترلی مالی امکانیتلر بولمه گنیدن شکایت قیلگندی.

بوگون هلمند دن کابلگه کیلیب نمایش اویشتیرگن اونلب هلمند لیک لر ساغلیق ، تعلیم کبی بولیم لرده هم دولت اونچه لیک اعتبار قره تمه گنینی ایتدیلر.اولر ایسه الغه سورگن ایستک لری اینابتگه آلینمه گونگه قدر، اوز نمایشلرینی دوام ایتیریشی بیلن اگاه لنتیردیلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.