BBC navigation

جنسی زورلنگن باله لرنی جزا لهمینگ

Сўнгги янгиланиш 10 феврал 2013 - 13:21 GMT

بیرلشگن ملتلر نشکیلاتی نینگ انسان حقلری بوییچه اداره سی افغاسنتان دولتی دن باله لر گه اوتکزیله یاتگن جنسی زوره وانلیک و اولرنی سوء استعمال قیلیش حالتلری آلدینی آلیشگه جدی اعتباره قره تیشی نی سوره گن.

بیرلشگن ملتلر نشکیلاتی نینگ انسان حقلری بوییچه اداره سی افغاسنتان دولتی دن باله لر گه اوتکزیله یاتگن جنسی زوره وانلیک و اولرنی سوء استعمال قیلیش حالتلری آلدینی آلیشگه جدی اعتباره قره تیشی نی سوره گن.
اوشبو تشکیلات بیر گزارش نشر ایتیب، هرات ده محکمه لردن بیری بیر 13 یشر باله نی اخلاق سیزلیکده عیبلب، بیر ییل دارالتآدیب ده حبس قیلگنی نی ایتگن.
مذکور گزارش ده، افغانستان دولتی دن اوشبو 13 یشر باله نینگ قیته دن جزالنیشی اورنیده، اونی تیزلیک بیلن قوییب یوباریلیشی سورلگن.
باله لرنی جنسی سوی استعمال قیلیش حالت لری الدین لرهم انسان حقلریدن مدافعه ایتوچی تشکیلات لری نینگ تشویشیگه سبب بولگن ایندیلیکده ، بیرلشگن ملت لر تشکیلاتی نینگ انسان حقلری بویچه اداره سی افغانستان دولتی دن بوکبی حالتلر آلدی آلینشی و عامللر جزاله نیشینی سوره ماقده.
اوشبو تشکیلات گه کوره، هرات ولایتیده گی محکمه لردن بیری بیر اون یاشر باله نی، عمومی دم آلیش پارکده باشقه ایککی ایرکک بیلن جنسی علاقه قورگن لیکده عیبلب اخلاقی سیزلیک جزاسیگه محکوم ایتیب بیریل ازاد لیک دن محروم قیلگن.
اوشبو تشکیلا ت نینگ اسیا بویچه اداره سی رییس برات ادمس، مذکورباله جنایت گه قول اورمی بلکه جنسی زورلش قربانی بولگنینی ایتگن.
اوشبو تشکیلات نینگ کابلده گی اداره سی مسوللریدن بیر هیدر بارنینگ بی بی سی گه ایتیشچه دنیا قانون لریگه اساسا مذکورباله ، هنوز کودک بولیب او حمایه گه احتیاجی بار.
"اوشبو حالت دنیا قانونلریگه قرشی دیر، دنیا قانونلریده قندی بیر یاشده بولگن شخص جنسی زورلش گه مسول ایکن لیگی قید ایتیلمه گن اما 13 یاشر عمر هنوز یاش باله. بیرلشگن ملتلر تشکیلاتی تمانیدن باله لر حقوقی حمایه له نیشی حقیده باشقه قرار قبوللرهم موجود." دیب ایتدی هیدر بار
افغانستان قانون لری، اویله نیشدن باشقه هربیرجنسی علاقه نی منع ایتگن، اما کورنیشچه بعضی بیر ولایت لرده محلی قوماندانلر و نفوذلی شخصلر گه تیگشلی ادملر یاش باله لرگه جنسی زوروانلیک اوتکزه دیلر.
شو جمله دن بچه بازلیک حالتلری هم موجود.
هراتده اون یاشلر باله نینگ دوسیه سینی تیکشریه یاتگن قاره لوچی لردن بیری نینگ انسان حقلری تشکیلاتیگه ایتیشچه مذکور باله اوز راضی لیگیده باشقه بیرنیچه شخص بیلن جنسی علاقه قوریشگه حرکت قیلگن.
شوباعث قانونی تعقیب ایتیلگن.
افغانستان عدلیه وزیرلیگی نینگ اورین باسری محمد قاسم هاشیم زی شوکبی باله لر اصلاح ایتیش و تربیه لش اوچون عملگه اشریلگنینی معلوم قیلدی.
بیراق افغانستان انسان حلقری مستقل کمیسیون مسوولریدن بیری وحیدالدین ارغون قانونی یاشینی تولدیرمه گن باله لر قانون تعقیب ایتیلمسلگینی ایتدی.
اما خانم هیدر، جزا قانونیگه اصلاحات الیب کیلینیشی ضرورلیگینی تاکیله دی.
"همه دن الدین افغانستان جزا قانونیده، اصلاحات کیریتیلیشی کیره ک ، ایرکک لر تمانیدن باله لرگه اوتکزیله یاتگن جنسی زوروانلیک لر، عیاللرگه اوتکزیش کبی یانداشیلیشی کیره ک. ایککینچیدن افغانستان پلیس وباش قاره لوچیلیک اداره لریده لازم اصلاحات کیرتیلیشی ضرور."

افغانستان ده سونگی پینلرده باله لر گه قرشی جنسی زوره وانلیک میزانیی آشگنی ،بیرلشگن ملتلر تشکیلاتی نینگ انسان حقلری اداره سی وباشقه ایچکی مدنی مدنی جماعه چیلیک ترماغلر نینگ تشویشگه ایلنگن.
دولت هردایم بوکبی حالت لرنی الدی آلینیشی وعده بیریب کیلگن بیراق شوندی حالت لر نه فقط کمیمه گن بلکه کوپیب باره یاتگنی ایتیله دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.