BBC navigation

پولیس: خارجی کوچلر کاروانی نینگ تامین قیلیش گه قادر میز

Сўнгги янгиланиш 12 феврал 2013 - 13:03 GMT

افغانستان ایچکی ایشلر وزیرلیگی ، خارجی لر قطار لری خوف سیزلیگی نینگ تامین لش گه تیارایکن لیگی نی بیان ایتگن.

ایچکی ایشلر وزیرلیگی نینگ عامه ترتیبی نی سقلش اورین باسری جمیل جنبش گه کوره، بو توغری ده فعالیت قیله یاتگن بیش خوف سیزلیک شرکت بیکار ایتیلیب، اورنیده مذکور اداره کوچلری وظیفه لنتیریله دی.

خارجی کوچلر تامینات قطارلری نینگ تامیناتی بوندن آلدین خود شو خصوصی شرکت لر تمانیدن تامین بولریدی.

عین زمانده جنبش جنابلری، خارجی کاروان لر نینگ یوللش مسوولیتینی بوتونلی آلیشی بیلن ایچکی ایشلر وزیرلیگی نینگ قولگه کیریته یاتگن عاید لری هم کوپه یشی نی معلوم قیلدی.

خارجی کوچلر تامینات قطارلری قرشی سیده عصیانچیلیک هجوم لرنینگ آلدینی آلیش اوچون افغانستان ایچکی ایشلر وزیرلیگی نینگ عامه ترتیبی کوچلری ییترلی درجه ده تیارگرلیک لری بارلیگی نی معلوم قیلماقده.

مذکور وزیرلیک اورین باسری جمیل جنبش گه کوره، عامه ترتیبی نی سقله ش کوچلری، حاضر خارجی کوچلرنینگ اکمالاتی قطارلرینی یولداشلیک قیلیش، آیساف و ناتو قرارگاه لری خوف سیزلیگی نینگ تامین له یشی همده دولت نینگ ایشله ب چیقاریله دیگن کانلری نینگ امنیتی نی تامین له یشی بیلن مشغول بولیب کیلگن.

جنبش جنابلری، خارجی کوچلر کاروان لری خوف سیزلیگی نینگ تامین لش گه هنوز گه قدر هیچ قنده ی بیر قیین چیلیک که دوچ کیلمه گن لیک لرینی ایتیب، لیکن بیر قنچه دولتی پروژه لرنینگ تطبیق بولیشی ده عصیانچیلر هجومی بیلن یوزمه یوز بولگنی نی معلوم قیله دی.

ایچکی ایشلری وزیرلیگی نینگ اورین باسری شونگه قوشیمچه قیلیب، مملکت نینگ باشقه حدودلریده جایلشگن ولایت لرده عامه ترتیبی نی سقله ش کوچلری ایجاد ایتیلگنی نی هم معلوم قیلگن.

شو نینگ جنبش جنابلری ، اگرده اولر نینگ فعالیت لری توغری سیده قیینچلیک تاپیلسه مذکور کوچلر سانی 50 مینگ کیشی گه ییتیب باریشی ممکن لیگی نی ایضاحله یدی.

ایچکی ایشلر وزیرلیگی گه کوره، قالگن 35 خصوصی خوف سیزلیک شرکت لر نینگ بیکار ایتیلیشی اوچون جمهور رییس کرزی فرمانی اساسیده کوزلنگن پیت گه قدر سعی و حرکت لری دوام تارتماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.