BBC navigation

آلتی ییللیک غایبانه سیوگی حکایه سی

Сўнгги янгиланиш 13 феврал 2013 - 09:27 GMT

اوزبیکستانلیک قیزنینگ سیوگیسی افغان ییگیتنی اوزبیکستانگه چارله ماقده. 23 یاشیده بولگن عزیزالله نینگ کیلیب چیقیشی تورکمنلردن. او ترمز شهریده یشب کیله یاتگن 24 یاشلی سبینه بیلن دییرلی آلتی ییلدن بیری تیلیفونده گپله شیب کیلماقده.

اولر توی قیلیشگه قرار قیلیب آلیشگن ایکن، بیراق، کمبغللیک یوللریگه معما یره تماقده.

نیچه کون آلدین عزیزالله بی بی سی اوزبیک خذمتی نینگ فیس بوک صحیفه سیگه اوز حکایه سینی یازیب، و اوز ماجراسینی بیز آرقه لی ایلگه ترقه تیلیشینی ایسته گن. بیز مزارشریفده گی استدیومیزگه عزیزالله و دوستلرینی چقیریب، اولرنی صحبتگه چارله دیک.

عزیزالله بیلن صحبتنی باشلر ایکنمن، ایلک اوله راق اوندن اولرنینگ بو ماجرالری قچاندن باشلندی دیب سوره دیم. او گپلرینی شونده ی باشله دی:

«مین مکتب اوقوچی سی ایکنیمده، توستدن بیر کونی، تیلیفوننی قلیمگه آلیب، الّه قه‌ییرلرگه دیر قونغیراق قیلیش ایسته دیم. قونغیراق قیلدیم هم، بیر قیزنینگ نازک سیسینی ایتشیتیب قالدیم. او بیلن گپلشدیم... بو ایشلر تقدیرنینگ ایستگی ایکن می دیب اویله یمن گاها. حتا کیچه لری کوزلریمیزگه اویقو کیلمه ی، بیر- بیریمیز بیلن گپلشیب چیقردیک. منه شو کبی آلتی ییل زیریکمه ی بو مناسبتنی یشه تیب باردیک. کوپ رسمی ایشلر اوچون اوریندیم. لیکن فایده بیرمه دی، هیچ کیم هم یاردم قیلیشنی ایستمه دی. کوپ قیینلماقده من. پولیم یوق، کمبغل من اما مین اوز کوششیمنی قیله من، قنی کوره ی نیمه بوله دی... .»

عزیزالله نینگ بو گپی ظهیرالدین محمد بابرنینگ منه بو بیتینی یادگه ساله دی:

مقدور باریچه قیلورم سعی وصالینگ

تا تنگرینی بیلمان که، نی تقدیر قیلیبتور.

حقیقتلر بیر یاقده، بوکبی انتیرنیت مناسبتلری ایسه ایریملر نینگ تنقیدی فکرلریگه هم باعث بولماقده. و فیس بوک نینگ اوزیده-یاق اوشوب موضوع بیلن باغلیق هزل و مطایبه لر هم بولیب توره دی.

فیس بوککه قویگن رسمینگ ساخته ایکن سیوگیلیم،

کوزنی یاریتگن تصویر، یالغان ایکن سویگیلیم،

کوردیم سینی یقیندن یالماغیز کمپیر کبی،

کوزلرینگ بیر چقنه دی، جانیم چیقدی سیوگیلیم.

مین عزیزالله و سبینه نینگ مناسبتلری حقیده، سبینه نینگ اوزی بیلن هم تیلیفون آرقه لی صحبت قیلدیم و بو ماجرالریدن سوره دیم.

«مین مکتبنی بیتیریب، حاضر ایش ایگه سی بولگنمن. شو طفیلی هم ویزه ایشلرینی حل ایتیش اوچون اوز حرکتلریمنی قیلماقده من. خدا خواهله سه بیر کون کیلیب، اوچره شه میز.»- دیب جواب بیردی او.

افغان ییگیتلرینینگ چیت ایلده گی قیزلر بیلن دوستانه علاقه قوریشلری بیرینچی بار بولیب کوزه تیله یاتگنی یوق. سونگی بیر نیچه آی جریانیده فیس بو ک بهانه بو کبی مناسبتلر کوپلب کورینماقده. امیریکالیک قیزنینگ مزارشریفلیک ییگیتگه چقور علاقه سی سبب اولرنینگ نکاح طویلری بولیب کیتیشی. هراتلیک ایککی یاش نینگ هم عیناً فیس بوک اجتماعي ترماقی آرقه لی دوستله شیب کیتیشلری و شونگه اوخشش کوپلب انتیرنیت سیوگی ماجرالری کوپچیلیککه عیان بولگن.

اوشبو مسله حقیده عزیزالله نینگ مزارشریفلیک دوستلری بیلن هم یقیندن گپلشدیم. اولر ایسه یالغیز دوستلریگه آمد تیلب، حتا اونینگ طویی بولیب کیتیشیگه ایشانچ بیلدیره دی.

عصریمیزده هر بیر نرسه تکنالوژی بیلن بیواسطه باغله نیب کیتگن و موباییل- تیلیفونلرهم بشریت عالمیده کتّه- کیچیک اوچون کیره کلی اسباب- اسکونه لر اهمیتیگه ایگه بولگن. کوزه توچیلرگه کوره، تیلیفون بیلن فیس بوک ترماقی یاشلر اوچون هم ایجابی، هم سلبی علاقه لرنینگ اورته گه چیقیشیگه سبب بوله دی. بولرنینگ آره سیده فیس بوک الکترون ترماقی اینگ کتّه مقیاسده قولّه‌نیب کیلماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.