BBC navigation

کنرده گی عملیات ده طالبان اوچ قوماندانی و 10 تینچ اهالی قربان بولگن

Сўнгги янгиланиш 13 феврал 2013 - 11:22 GMT

کنرولایت حاکمی فضل الله واحدی، خلق ارا و افغان کوچلری تمانیدن یولگه قوییلگن کیچکی عملیات نتیجه سیده طالبان نینگ اوچ قوماندانی و 10 نفر عادی اهالی هلاک بولگنینی ایتگن.

واحدی جنابلری اوشبو عملیات اوتگن کیچه کنر ولایتی نینگ " شیگل تومنیده یولگه قوییلگنلیگینی تیلگه آلگن.

اونگه کوره، هجوم نتیجه سیده تورت عیال بیش باله و بیر ایرکک قربان بولگن، باشقه تورت باله هم یره لنگن.

شونینگ دیک ولایت حاکمی بو شخصلر اوز اویلریده عملیات جریانیده هلاک بولگنینی معلوم قیلگن.ایتیلیشیچه هلاک بولگن طالبان نینگ اوچ قوماندانی هم تینچ فقرا قربان بولگن اویده" مهمان ایکنلر.

باشقه تماندن هلاک بولگن طالبان قوماندانلریدن بیری القاعده ترماغی بیلن یقین علاقه ده بولگنی ایتیلگن.

ایتیلیشچه او، کنر ولایتی نینگ دانگام تومنیده بوندن الدین هلاک ایتلگن القاعده نینگ مهم اعضالریدن بیری ابوحفص النجدی بیلن یقین علاقه ده بولگن،همده ابو حفص نینگ هلاک اتیلگنی پیتی هم او بیلن بیرگه بولگنی ایتلماقده.

شیگل تومنی ، پاکستان باجور منطقه سی بیلن چیگره داش بولیب، عصیانچی گروه لر انچه فعال بولگنی ایتیله دی.

جاری شمسی ییل اوللریده پاکستانلیک طالبان نینگ مهم قوماندانلریدن بیری ملا دادالله هم اوچوچی سیز اوچاق هجومی نتیجه سیده عینی منطقه ده هلاک بولگنی خبرقیلنگن ایدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.