BBC navigation

جنبش آره سیده پیدا بولگن قره مه قرشیلیک لر

Сўнгги янгиланиш 16 феврал 2013 - 07:11 GMT

اوزینی ملی اسلامی جنبش حزبی نینگ اوقتینچه لیک رییسی دیب تانشتیرگن سید نورالله سادات، اوشبو حزب رییسی و رهبرلیک اعضالیگیده بولگن باشقه توقیز نفر غیر قانونی شکلده جنرال دوستم تمانیدن ایشدن بوشله تیلگنینی ادعاقیلگن.

اما اسلامی جنبش حزبی مذکور حزب نینگ سیاسی کمیته سی تمانیدن آلینگن قراراساسیده، عزیزالله کارگر اوشبو حزب نینگ وقیتنچه لیک رییسی تعیین اتیلگنینی اعلان قیلگن. بیراق سادات جنابلری، سیاسی کمیته قرارینی نا قانونی بیلیب، اوز ایشیگه دوام ایتیریشینی تاکیدله گن.

عین حالده، سید نورالله سادات، جنرال دوستم بوندن آلدین جنبش حزبی نینگ رییسلیگی دن استعفا بیرگنینی اروغولب، جنبش چوکاتیده آلیب کیلینگن اوزگریشلر، اونینگ غیابتیده آلینگنینی ادعا قیلگن.

اسلامی جنبش حزبی نینگ سوزچیسی فیض الله ذکی، سادات جنابلری نینگ ا وشبو ادعاسینی کیسیکین رد ایتیب، بوحقده بونده ی دیدی:"سید نورالله سادات نینگ بو ادعاسی مطلقا ناتوغری، سیاسی کمیته تمانیدن اویوشتیریلگن یغینده جنرال دوستم حصه قوشمه گن ایدی، همده بو قرار جنرال دوستم تمانیدن ایمس، بلکه سیاسی کمیته تمانیدن آلینگن. سادات جنابلری اوچینچی دور کنگره ده، اسلامی جنبش حزب رییسی صفتیده ایککی ییلگه قدر سیلنگن ایدی. اما تورت ییلدن بیری بو وظیفه گه دوام بیردی. اونینگ فعالیتی نا قانونی بولگنی اوچون بو قرار آلیندی."

شونینگ دیک ذکی جنابلریگه کوره، سیاسی کمیته تمانیدن آلینگن یغینده، سید نورالله سادات هم چیقریلگن، لیکن او بو یغینده اشتراک ایتمه گن. اما سید نورالله سادات بو قرار اونینگ غایبلیگیده آلینگن.

اسلامی جنبش حزبی، افغانستان ده مطرح حزبلردن بیری حسابلنه دی.

بو حزب 1388 نچی قویاش ییلیده بولیب اوتگن جمهوررییسلیک سیلاولرده، افغانستان نینگ حاضرگی جمهورریسی حامدکرزی نی حمایه قیلدی.

کوپ چیلیک، بو حزب حمایتی کرزی نینگ سیلاوده غلبه قازنیشگه اساسی تاثیر قالدیرگنینی ایته دی.

ایندی لیکده، جنبش حزبی حکومت گه قرشی سیاست یوریتیب، کیله جک جمهوررییسلیک سیلاوده باشقه بیر تنیقلی نامزنی حمایه قیلیشی اوچون، ایریم سعی حرکتلرنی یولگه قوییب کیلماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.