BBC navigation

کرزی: افغان کوچلری خارجی لر نینگ هوایی یاردمیدن فایده لنمه سینلر

Сўнгги янгиланиш 19 феврал 2013 - 13:01 GMT

افغانستان جمهور رییسی، مدافعه، ایچکی ایشلر همده ملی خوفسیزلیک اداره سی گه، بوندن کیین عملیاتلر جریانیده چیت ایل کوچلری نینگ هوا کوچلرینی چیقیره آلمسلیکلری باره سیده دستور صادر قیلگن.

بیر نیچه ییل ایچیده افغانستان دولتی، ایتلاف کوچلری نینگ هوا دن اویوشتیره دیگن عملیاتلریده تینچ اهالی تلف بوله یاتگنیده سبب بولیب کیلگنی اوچون، تنقید آستیده آلیب کیلگن.

شونده ی بیر حالده افغانستانده گی ناتو کوچلری هم کرزی نینگ مذکور بویروغی اساسید عمل قیلیش لری نی تاکید قیلگن لر.

جاری ییل حمل آیی نینگ 20 ده افغانستان مدافعه وزیری و ایتلاف کوچلری باش قوماندانی آره سیده هوایی هجوم یولگه قویمس لیک موضوع سی توغری سیده کیلیشوو نامه امضالنگن ایدی.

جمهور رییس نینگ اوشبو فرمانیده، کیلیشوو نامه عملگه آشیریلگنی گه قره مه ی، هنوز هم خارجی کوچلر، اهالی نینگ استقامت جایلریگه هوا دن هجوم اویوشتیره یاتگنی معلوم قیلینگن.

افغانستان جمهوررییسی حامدکرزی بیر نیچه کون مقدم ملی اکادمی ده یوریتگن سوزلریده بوندن بویان، افغان امنیتی کوچلری خارجیلردن هوا کوچ طلب قیلیشگه حقلی بولمه گنلیگی نی تاکیدله گن ایدی.

شونینگ دیک کرزی جنابلری، کنرده ناتو کوچلری تمانیدن یولگه قوییلگن هوای هجومده اون تینچ فقرا قربان بولیشی، گه جدی مناسبت بیلدیریب بوندن بویان افغان امنیتی کوچلری شوندی عملیات لرده خارجی کوچلردن هوایی یاردم چقریشگه حقلی بولمه گنینی تاکیدله گن ایدی.

ناتو نینگ افغانستانده گی عمومی قوماندانی جوزیب دونفور بوخصوصده بیلدیرگن سونگی اظهاراتیده جمهور رییس کرزی نینگ اوشبو قراریدن حمایت بیلدیرگن.

هرچند حاضرگه قره گنده یولگه قویله دیگن عملیات لر کوپ قسمی افغان حربیلری تمانیدن باشقه ریلیب کیلینه یاگنی اتیله دی، لیکن هلی هم افغان خوف سیزلیک کوچلری برچه عملیات لرنی یککه لیک بیلن عملگه اشریش امکانیتی گه قادربولمی ایریم حالت لرده ناتو کوچلریدن هوایی یاردم طلب قیله دی.

ناتو کوچلری تمانیدن یولگه قوییلیب کیلینه یاتگن عملیات لرده تنیچ فقرا قربان بولیشی نیچه مرته افغان رسمیلری و خلق ارا کوچلر مابینیده قره مه قرشیلیک لرنی توغدیریب کیلگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.