BBC navigation

مخابرات وزیرلیگی، اتصالات شرکتی نینگ فورجی خذمتی نی یولگه قویلگنلیگی نی رد ایتدی

Сўнгги янгиланиш 21 феврал 2013 - 12:59 GMT

افغانستان مخبارات وزیرلیگی، فورجی یا تورتینچی نسل نامیده گی تیزکار انترنت خذمتی، اوشبو مملکت بیر مخابرات شرکتی تمانیدن یولگه قوییلگنی نی عاموی فریبکارلیک و یالغان دیه تاکیدله دی.

اوتگن کون اتصالات مخبارات شرکتی بیر خبری ییغینده، مملکتده تورتینچی نسل انترنت خذمتی یولگه قوییلگنی دن خبر بیرگن ایدی. اوشبو شرکت مسووللری نینگ ایتیشیچه، مذکور خذمت، تری جی خذمتیگه کوره، بیش برابر تیزکار خذمت قیله دی.

افغانستان مخابرات وزیرلیگی، حاضرگی کونده فورجی خذمتی دن فایده لنیش وقتی ییتیب کیلمه گنی نی ایتیب، اهالی دن مذکور شرکت نینگ اعلانیگه الده نمسلیکلرینی سوره دی.

اوشبو وزیرلیک مسووللری، اتصالات مخابرات شرکتی افغانستان ده بیر الده نتیرووچی و یالغان خبر نشر ایتیب، نا توغری روشده فایده قولگه کیریتیشگه حرکت قیلگنی نی ایتماقده لر.

مخابرات وزیرلیگی انتظام اداره سی معاونی خیر محمد فیضی نینگ ایتیشیچه، فورجی یا تورتینچی نسل انترنت خذمتی یولگه قویلیشی نینگ وقتی ییتیب کیلمه گن واولر هر قنده ی شرکت گه بونده ی یالغان اعلان ایتیشگه رخصت بیرمه یدی:"اتصالات مخابرات شرکتی نینگ اوشبو اظهاراتی بوتکول یالغان و الده نتیراوچی دیر. اوشبو شرکت شونده ی یالغان حرکت لر یولگه قویب، مخابرات بازارینی اوزیگه قره تیب، تجارتینی آلغه سورماقچی. فورچی خذمتلری اوچون لازم شرایط حاضرگه قدر مهیا بولمه گن. یعنی اولر فریکونسی نی قولگه کیریتمه گن و مخابرات انتظام اداره سی تمانیدن رسمی روشده رخصت فعالیتی نی کسب ایتمه گن".

افغانستان مخابرات وزیرلیگی رسمیلری، هنوزگچه اتصالات مخابرات شرکتی گه فورجی خذمتی نی یولگه قویش رخصتی نی بیرمه گن و اوشبو شرکت بونده ی ظرفیتگه ایگه بولمه گنی باره سیده تاکیدله دیلر.

اوشبو وزیرلیک، اهالی دن بونده ی یالغان اعلان لرگه الده ن مسلیکلرینی سوره دی.

اما مخابرات وزیرلیگی، مخابرات شرکتلری تمانیدن تری جی یا اوچینچی نسل انترنت خذمتلری یولگه قویلیشیگه تردودلنماقده لر.

اوشبو وزیرلیک نینگ مخابرات خذمتلری نینگ عمومی اداره سی معاونی، مذکور اداره ، مخابرات شرکتلری تمانیدن یولگه قویلگن تری جی خذمتلریدن کمیده بیر ییل اوتیشی بیلن، حاضرگه قدراوشبو شرکتلر خذمتلرنی تیزکارلشتیریشده هیچ قنده ی حرکت قیلمه گنی نی اظهار ایتدی.

بوندن بیر ییل مقدم اتصلات مخبارات شرکتی بیرینچی بولیب، تری جی یا اوچینچی نسل انترنت خذمتی نی افغانستان ده یولگه قویدی. اوندن کیین ام تی ان و روشن مخابرات شرکتلری هم تری جی خذمتی نی یولگه قویش رخصتی نی قولگه کیریتدیلر. بیراق، وقت اوتیشی بیلن آدملردن اکثریتی و مخابرات وزیرلیگی مسووللری اوشبو خذمتلردن راضیلیک بیلدیرمه گنلر.

اما مخبابرات وزیرلیگی، قلابکارلیککه قول اورگن شرکتلر بیلن جدی یانده شیشی ممکنلیگی باره سیده آگاه لنتیرماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.