BBC navigation

افغانستان دولتی ایرانده اعدام گه محکوم بولگن افغانلر مسله سینی جدی تعقیب ایته دی

Сўнгги янгиланиш 25 феврал 2013 - 08:16 GMT

افغانستان جمهور رییسی حامدکرزی، ایرانده افغانلرنینگ اعدام بولیش مسله سینی جدی ایزله شینی تشقی ایشلر وزیرلیگیگه بویروغ بیرگن.

انسان حقلری مستقل کمیسیونی هم افغان لرنینگ ایرانده اعدام ایتله یاتگنیدن جدی تشویش بیلدیریب، ایرانده گی افغان محبوسلر وضعیتینی یقیندن کوزه تیش اوچون بیرگروه هیات یوباریلیشینی افغانستان حکومتیدن سوره گن.

اوتگن هفته ایران دولتی بیش افغان مهاجری نینگ مخدرماده لر قاچاقیده عیبلب، اعدام قیلدی.

جمهور رییسلیک سرایی سوزچیسی ایمل فیضی گه کوره، کرزی نینگ دستوریگه ماس تشقی ایشلر وزیرلیگی اداره امور، اعدام مسله لرینی دیپلماتیک یوللر آرقه لی حل قیلیش اوچون حرکت قیلماقده.

افغانستان انسان حقلری مستقل کمیسیونی، ایرانده گی افغان محبوسلر وضعیتینی کوزه تیش اوچون بیرگروه هیات یوباریلیشینی طلب قیلگن.

مذکور کمیسیون نینگ اجرایی مسوولی محمد موسی محمودی بوحقده بونده ی دیگن:" ایران دولتی خلق ارا انسان حقلری بوییچه میثاقلریگه امضا قوییگن، شو نگه ماس ایران دولتی عیبلنگن افغانلرنینگ محاکمه قیلیش خصوصیده خلق ارا معیارلرنی نظرده توتیشی لازم."

شونینگ دیک انسان حقلری مستقل کمیسیونی، ایرانده قماققه آلینگن برچه افغانلر اینیقسه اعدام جراسیگه محکوم بولگن لر روی خطینی اوشبو کمیسیون اختیاریگه قوییلیشینی افغان حکومتیدن طلب قیلگن.

ایرانده اعدام ایتیلگن بیش افغانستانلیک شخص نینگ جسدی بوندن اوچ کون آلدین تخار ولایتی نینگ کلفگان تومنیده توپراققه تاپشریلگن ایدی. اعدام بولگن لرنینگ یقینلری بی بی سی خبرنگاری مبین غفوریگه، اوتگن بیش آی ایچیده کلفگان اهالیسدن سکسن ته سی ایرانده اعدام ایتلگنینی معلوم قیلگن.

ایرانده قنچه افغانلرنینگ اعدام گه محکوم بولگنی باره سیده انیق معلومات قولده ایمس، لیکن خلق ارا عفو تشکیلاتی اوچ مینگ افغان ایران ده اعدام جزاسیگه محکوم بولگنینی ایتگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.