BBC navigation

ینگی ییل باشیدن مملکت فقرا لریگه الکترونیکی کیملیک حجت ترقه ته تیش لایحه سی باشلنه دی

Сўнгги янгиланиш 24 феврал 2013 - 13:21 GMT

مملکت اهالی سیگه الکترونیکی کیملیک ترقه تیش دستوری برینچیدن پایتخت کابل دن باشلنب، کیینچه لیک مملکت نینک باشقه حدودلریده عملگه آشیریله دی.

افغانستان ایچکی ایشلر وزیرلیگی اداری ایشلر اورین باسری جنرال میرزا محمد یارمند نینگ ایتیشیچه، بوتون مملکت ده اهالی گه ینگی کیملیک ترقه تیش لایحه سی کله سی شمسی ییل نینگ حمل آیی ده اعلان ایتیله دی:"الکترونیکی کیملیک قنده ی ترقه تیش میکانیزیمی، بیرعامه معلومات دستوری اساسیده، کیله سی ییل حمل آیی دن اعلان ایتیله دی. بو میکانیزم دولت باشلیغ و ملازملری، پارلمان وکیللری مملکت ملی شخصیت و آق ساقاللری تمانیدن بیر ملی پروسه اوله راق تعین لنه دی و وطنداش لریمیز اوندن کیین بو پروسه تفصیلاتی دن باخبر بوله دیلر، البته بو میکانیزم و عامه معلومات نی اهالیگه یتکزیش اوچون مملکت برچه اخبارات واسطه لری جدی رول اوینه شی کیره ک دیدی یارمند جناب لری."

یارمند جناب لری بو دستورنینگ بیر سیاسی برنامه بولمه گنی نی تاکید لب، افغانستان ده هرقنده ی سیاسی توزوم و حکومت اوچون، بو دستور عملی بولیشی اوته ضرور ایکنی نی اورغوله دی.

افغانستان ایچکی ایشلر وزیرلیگی رسمیلری، الکترونیکی کیملیک، پایتخت کابل دن سونگ شرقی حدودلرده، کیینچه لیک جنوبی حدودلرده ترقه لیشی نی ایتیب، بو دستورنی عملده تطبیق ایتیش اوچون 5200 کیشی ایشگه آلینگن و 1393 ییلی حمل آی گه قدر ینگی کیملیک نی قولگه کیریتگن افغانلر، اوشبو کیملیک بیلن جمهور ریسلیک سیلاو ده قتنشه آله دیلر دیدی.

افغانستان ایچکی ایشلر وزیرلیگی اورین باسری، مذکور التکرونیکی کیملیک دولت مخالف قوت لریگه ترقه لیشی اوچون قنده ی بیر چاره تدبیر اوشبو وزیرلیک تمانیدن آلینگن می یا یوق دیب سوره لگن سوال گه بونده ی جواب قیتردی:"افغانستان دولتی تینچلیک تامینلنیشی اوچون هر قنده ی شرایط نی تن آله دی. افغانستان نینگ هر بیر وطنداشی کیملیک آلیش نی ایسته سه، اونینگ اذیت بولمسلیگی نی بیز کفالتله ی میز. اگر او طالب بولسه، اگر او مجرم بولسه، اگر او محبوس بولسه، اگر او اپوزیسیون بولسه یا دولت موافقی بولسه، هر کیم بولسه اگر افغانستان وطنداشی بولسه، بیز کیره کلی شرایط نی یره ته میز. بو بیر ملی دستور دیر سیاسی برنامه ایمس. هرکیم اگرافغانستان خلقی عزت نی ایسته سه، مینیمچه بو ملی دستورنی آرقه داشلیک و حمایه ایته دی دیدی جنرال یارمند."

حاضرگچه، افغانسنان فقرا لری داود خان زمانیده ترقلگن تذکره دن توتیب، حاضر ترقله یاتکان بیر روق کاغذ دن عبارت بولگن کیم لیکلر فایده لنیب کیلماقده. . شونی اوچون حاضر افغانستان جمعیتی سانی باره سیده انیق رقم قولده ایمس. حاضرگچه افغان لآلدیده خیل مه خیل تذکره لر بارلیگی گه قرگنده، قلابی تذکره لر توزتلیشی گه زمینه کوپ دن کوپ مهیا دیر. اما الکترونیکی کیملیکلر ترقلگن تقدیره برینچی دن انه شو قلابکارلیکلرگه نقطه قوییب، باشقه تمانیدن مملکت جمعیتی نینگ انیق رقمی معلوم بولیشی گه اکثر کوزه وتوچیلر امید بیلدرماقده لر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.