BBC navigation

کانلر وزیرلیگی: افغانستان کانلر قانونیده اوزگریش کیرتیله دی

Сўнгги янгиланиш 24 феврал 2013 - 12:52 GMT

افغانستان کانلر وزیرلیگی کانلرخصوصیده سرمایه یاتقیزیش جریانینی تیزلشتریش اوچون،عدلیه وزیرلیگی همکارلیگی بیلن کانلر قانونیده ایریم اوزگریش آلیب کیلیشینی معلوم قیلدی.

اوشبو قرار، وزیرلر کینگاشی تکلیفی اساسیده عملگه آشریلیشی اینابتگه آلینگن. افغانستان وزیرلر کینگاشی نینگ نوبتده گی یغینیده، کانلرنی سوء استعمال قیلیش حالتلری آلدی آلینیشینی تیگیشلی اداره لردن سوره گن. شونینگ دیک، وزیرلرکنیگاشی بیر بیانات ترقه تیب، کانلرنی شرطنامه گه تاپشریش اوچون داوطلب لیک شرایط لری خلق ارا معیارلریگه ماس بولیشینی تاکیدله گن. همده قانون ده کانلرخصوصیده سرمایه یاتقیزه دیگن کمپنی لر اوچون ترغیبلنتروچی ماده لر کیریتیلیشی علحیده اورغولنگن.

افغانستان کانلر وزیرلیگی نینگ پالیسی وریجه بولیمی مصلحت چیسی اسد ضمیر وزیرکینگاشی تکلیفی اساسیده کانلر قانونیده اصلاحات الیب کیلیش اوچون سعی حرکت باشلگنینی ایتدی:"کیلگن اوزگریشلردن بیری، خلق وافغان سرمایه یاتقزوچیلراوچون قولی لیک یره تیش، همده موجود قانونده بولگن کمچلیک لرنی برطرف ایتیب ینگی بندلر کیریتماقچی میز، همده افغانستان منفعتی اچیق له نه دی، بوندن اساسی مقصد هم سرمایه یاتقزوچیلرنی ترغیب ایتیش."

شونینگ دیک، اسد ضمیر کانلر قانونیده اصلاحات کیریتیلیشی بیلن، داو طللب لیک اوچون قانونده بولگن چیکلاولر آلیب تشله نیب، افغانستان کانلر قانونی دنیا بویلب کانلر قانیگه ماس بولیشی گه امید بیلدیردی.

اقتصادی مسله لر بوییچه تحلیلچی همایون احسانف قانونگه آیدین لیک کیریتیلگن حالده، کانلر خصوصیده سرمایه یاتقزیش اوچون فایده لی بولیشینی ایتدی.

ینگی قانون لایحه سی، 19 فصل 112 بند دن عبارت بولیب، ایش ریجه سی وصلاحیت لری همده کانلرنی قراردادگه تاپشریش مسله لری کیریتیلگن.

شونینگ دیک، سرمایه یاتقزوچیلر اوچون قوله ی لیک یره تیلیشی و سرمایه یاتقیزیش اوچون موجود چیکلاولرنی آلیب تشلش، کانلر قانونیده کیریتیلگن مهم موضوعلردن حسابلنه دی. بو قانون لایحه سی کیله سی هفته دوشنبه کونی وزیرلر کینگاشی نینگ عمومی یغینیده تکلیف ایتیلیشی کوتیله دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.