BBC navigation

افغان تاجرلری یاش تجارلر اسمی بیلن بیر اویشمه ایجاد ایتدیلر

Сўнгги янгиланиш 25 феврал 2013 - 11:59 GMT

یاش تاجرلر اوییشمه سی ینگی تجارت فعالیت لریگه کیرگن یاشلر و تجارت وضعیتی نینگ یخشی لشتیریش مقصدیده، افغانستان تجارت و صناعت اتاقی نینگ یاردمی بیلن ایجاد بولگن.

مذکور اوییشمه یاش تاجرلرگه بازار تاپیش، و یاردوم بیروچی تشکیلات لر بیلن علاقه قوریش همده تاجرلر قرشی سیده تورگن ایریم قیین چیلیک لرنی برطرف ایتیش یوللریده فعالیت قیلیشی بیللگی لنگن.

افغانستان تجارت و صناعت اتاقی نینگ بیرگن رقمی گه کوره، حاضر قریب اون مینگ یاش تاجر ایریم بولیم لرده مملکت ده کیچیک سرمایه یاتقیزیب فعالیت قیلماقده.

بیر قنچه لرگه ملیون دالر سرمایه یاتقیزیش تجارت مفهومینی ییتکزیب بیریشی ممکن لیکن یوق! انچه آز پول بیلن هم تجارت نی باشله یشی ممکن.

همایون کیغام میمنه ده کییم کیچک ساتیش ایشلری بیلن مشغول. همایون نینگ ایتیشیچه، قریب اون ییل ایلگری چین اولکه سیدن کییم کیچک ساتیب آلیب، میمنه گه کیلتیریب ساتیشی بیلن انچه منفعت قولگه کیریتگن و حاضر هم تجارتی نینگ دوامی بار.

لیکن بو تجارت هم راحت لیک بیلن بجریلمه یدی. همایون کیغام بی بی سی بیلن بیرگن صحبتیده، چین اولکه سیدن ویزه آلیش انچه قیین لشیب کیتگنی دن سوز یوریته دی و ایرکین بازار گه انچه پول خرچ قیلیب چین ویزه سینی قولگه کیریتیشینی معلوم قیله دی.

باشقه کوپ گینه یاشلر هم ایریم بولیم لرده سرمایه یاتقیزگن لیکن تجارت لری ایریم دلیل لر سببلی رونق تاپه آلمه گن.

بو جمله دن تخارلیک عبدالحکیم سعادت دیر. او، انچه قیین چیلیک بیلن یوز مینگ دالر تاپیب لوژستیک بیر شرکتی آچگن. شو نینگ دیک دولت نینگ نیچه پروژه سی نی عملی قیلیشی بیلن هم دولت پوللری نی قه یترمگنی نی ادعا قیله دی.

خود شو تاجرلر گه اوخشه گن مینگ لب باشقه یاش تاجر و صنعت کار مملکت نینگ ایریم بولگه لریده تورلی بولیم لریده فعالیت قیلماقده. و اونلب قیینچلیک بیلن روپه هم بولگنلر.

خوف سیزلیک وضعیتی یخشی بولمه گنی، ایشخانه لر اوچون زمین بولمه گنی، تولید لری اوچون یخشی بازار بولمه گنی، خارجی توارلر بیلن رقابت قیله آلمسلیک معما سی، تاجرلرنینگ اوزون مدتلی قرضه لرگه قول تاپمسلیگی و شونگه اوخشه گن باشقه قیین چیلیک لر مملکت تاجرلری فعالیت لری نینگ قرشی سیده تورگن معمالردن حسابلنه دی. اما ایندی افغانستان تجارت و صناعت اتاقی ایسه، اونلب یاش تاجرلرنی یغیب، اولر نینگ مذکور قیینچیلیک لرینی برطرف قیلیش یوللری نی تاپیب حل قیلیش اوچون بیر اوییشمه توزه تگن.

مذوکور اداره باشلیغ لریدن رحیم الله حمید بو توغریده بونده ی آچیله یدی:

" ایککی ییللیک روی خطیمیزگه کوره عمومن 16 مینگ کیشی اسمینی روی خطگه اوتکزگن. بو جمله دن قریب اون مینگ کیشی سی یاش تاجرلردن عبارت. حاضر فعالیت قیله یاتگن یاش تاجرلر ویا بو کی بوندن کیین تجارت ایشلری بیلن شغللنماقچی بولگن یاشلریمیز نی بیز قوللب قوتله یمیز و اولر گه یاردم بیره میز. اولر هم بو توغریده ایشله ش لری کیره ک و بیز هم یاردمی میز نی دوام بیره میز."

سرمایه یاتقیزوچیلردن حمایت ایته یاتگن اداره – آیسا نینگ ترقتگن رقمی گه کوره، اوتگن اون ییل ایچیده قریب 8 ملیارد دالر افغانستانگه سرمایه یاتقیزیلگن.

مذکور پوللرنینگ اکثر قسمی مخابرات، رسانه لر، و شهرک گه سرمایه شکلده یاتقیزیلگن عبارت بولگن.

خارجی ماللرنینگ افغانستانگه کیلتیریب ساتیلیشی و ایریم کتته صناعتی ایشخانه لر آچیلیشی، مملکت ده کیچیک سرمایه یاتقیزگن لرنینگ فعالیت لری نی تاثیر آستیگه کیلتیریب، حتی که شکست گه دوچ قیلدیرگنلر.

شونده ی بیر وضعیت ده کیچیک سرمایه یاتقیزگن تاجرلر ایسه، فعالیت لری یخشی بولیب دوام تارتیلیشی اوچون دولت نینگ حمایتی و یاردمیگه جدی شکلده احتیاجلری بارلیگی نی معلوم قیله دیلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.