BBC navigation

کابل شهری نینگ غربی ده، انتحاری هجوم یوز بیردی

Сўнгги янгиланиш 27 феврал 2013 - 06:48 GMT

ملی اردوعسکرلری مینگن موترلردن بیری بوگون ایرته لب انتحارچی تمانیدن نشانگه آلینیب، نتیجه ده ایکی نفر تینچ اهالی شامل آلتی ملی اردو خادمی یره لنگن.

تنه سیگه پارتلاوچی ماده لرنی جایلشیرگن خودکش هجومچی، ملی اردو ضابط لری نینگ موتریگه کیریب، اوزینی پارتله تیشگه قادربولگن، اما ملی اردو عسکرلری مینگن موتر، بوتونلی ویران ایتیلمه گن.

شونینگ دیک، یره لنگن شخصلرنینگ احوالی آغیر بولمه گنی ایتیله دی.

مذکور حادثه، کابل شهری نینگ سرای غزنی دیب اتلگن منطقه سیده روی بیرگن.

افغانستان ایچکی ایشلر وزیرلیگی سوزچیسی صدیق صدیقی، اوشبو حادثه ده، ملی اردوآلتی عسکری و ایکی تینچ اهالی یره لنگنینی تصدیق له گن.

بوندن بیرنیچه ییل آلدین هم، افغان حربیلری مینگن بیر نقلیه واسطه، انتحاریچی تمانیدن نشانگه آلینیب اونلب حربی هلاک ویره لنگن ایدی.

اوشبو هفته جریانیده کابل شهریده ایکینچی مرته دیرکه انتحاری هجوم یوزبیره دی. بوندن آلدینگی حادثه، کابل شهری نینگ وزیر اکبر خان منطقه سیده یوزبیریب، خود کش هجومچی مقصد گه ایریشمسدن خوفسیزلیک کوچلری تمانیدن آتیب اولدیریلدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.