BBC navigation

مخابرات وزیرلیگ: ناقانون سیمکارتلرنی بازارلردن یغیب آلماقده میز

Сўнгги янгиланиш 26 феврал 2013 - 12:46 GMT

افغانستان مخابرات وزیرلیگی، بازارلرده راجستر بولمه گن سیم کارت لرنی یغیش ریجه سی عملگه آشیریلیشیی دن خبر بیرگن.

مذکور وزیرلیک حاضرگه قدر قریب 500 راجستر بولمه گن ایریم شرکت لرگه تیگیشلی سیم کارت لرنی قولگه کیلتیرگنی نی معلوم قیلیب، مذکور سیم کارت لر قانون سیز شکلده ترقه تیلگنی گه مخابراتی شرکت لرنی عیبدار بیلگن.

مخابرات وزیرلیگی نینگ مخابرات خذمت لری باشلیغی خیر محمد فیضی گه کوره، بوندن تورت آی ایلگری افغانستانده فعالیت قیله یاتگن اوچ خصوصی مخابرات شرکت نینگ هربیرینی 50 ملیون افغانی جریمه تولشگه مجبور قیلگن.

افغانستان مخابرات وزیرلیگی، قانون سیز شکلده افغانستان بازارلریگه ترقه تیلگن تیلفون سیمکارت لرنینگ یغیب آلیشی دن سوز یوریتیشی ینگی بیر حرکت ایمس بلکه نیچه ییل دن بیری مذکور وزیرلیک قانون سیز سیمکارت لر نی یغیب آلیشی توغری سیده قرشی کوره شیب کیلگن.

اوشبو وزیرلیک مخابرات خذمت لرترقه ته یاتگن رییسی خیر محمد فیضی قانون سیزلیک بیلن ترقه تیلگن سیمکارت لر تورلی خطر لرنی ایجاد قیلیشی ممکن لیگی نی تیلگه آلیب، بو توغری خصوصی مخابرات شرکت لری نینگ عیب دار دیب معلوم قیلماقده.

" نیچه ییل دن بیری بیز ایجاد ایتگن لایحه لرنی مخابرات شرکت لری ایاق آستی قیلگنلر. شو اوچون بیز نیچه ییل دن بیری مخابرات شرکت لری هم بیز گه افغانستان نینگ همه فقراسیگه کیم لیک حجتی یوق همده بیر قنچه انسان لر ایریم اسملر بیلن نیچه کیم لیک گه ایگه بولگنی نی دلیل قیلیب کورستماقده. بونگه حل یوللرنی بیز شرکتلرگه یوباردیک. بیز نیچه ییلدن بیری توزه تگن لایحه لریمیزگه کوره، برچه قیین چیلیک لر نظرده توتیلیب فورمه لر توزه تیلگن. شرکت لر بهانه لری توغری ایمس."

مخابراتی شرکت لرنینگ ناقانونی تیلفون سیمکارت لری افغانستان بازارلریگه ترقه تیلیشی، نه فقط عادی اهالی نینگ عذاب گه قویگن بلکه ایریم دولتی اداره لرنی هم اذیت قیلماقده.

کابل امبولانسی کونده لیک اونلب قانون سیز سیمکارت لر بیزاته قیلیشی بیلن یوزمه یوز. مذکور اداره نینگ مسووللری گه کوره، ناقانون سیمکارت لردن یلغاندن کسلی میز بار، کسل خانه گه ایلتینگلر دیب تیلفون کیله دی. شو نینگ دیک پولیس کوچلری نینگ عاجل شعبه لری هم خود شو کبی مسئله بیلن دوچ کیلگن.

" شو پیت لرده هم کوپ تیلفون کیله دی بیزگه. بیر کیشی تیلفون قیلگنده بیز، بیز ایشانچیمیز کامل بولیشی اوچون قونغراق قیلگن تیلفون گه زنگ اوره میز. اوشه تیلفون یا ک، تیلفونی نی اوچریب تشله یدی ویا بو که تیلفونی مصروف کورسته دی. بو مسئله بیزگه قیینچیلیک توغدیرگن."

کابل اوت اوچیریش اداره سی نینگ اورین باسری، یارمحمد کتوازی شونگه قوشیمچه قیلیب، اگر ده ناقانون سیمکارت لر بیلن دولتی اداره لرنی بیزاته قیله یاتگن شخص لر اوشله ب آلینسه، قیتق جزاگه دوچ کیلیش لری ممکن لیگی نی بیلدیره دی.

باشقه تماندن افغانستان مخابرات وزیرلیگی هم خصوصی مخابرات شرکت لرنینگ ناقانون سیمکارت لرنی ترقه تمسلیک لری اوچون فشار آستیده کیلتیرگنی نی ایتیب، اگرده بو توغریده مذکور شرکت لر اعتبار بیرمه سه لر، جریمه بولیب حتی که شرکت لری نینگ بیکار ایتیشیدن سوز یوریته دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.