BBC navigation

غزنی ولایتیده 18 محلی پولیس، قورالی طالبان تمانیدن اولدیریب کیتیلگن

Сўнгги янгиланиш 27 феврал 2013 - 12:47 GMT

غزنی محل مسووللری حادثه نی تصدیقلب، هلاک ایتیلگن شخصلردن ییتی ته سی محل اهالیسی ایکنی نی ایتگنلر. اولر، مذکور پولیسلر زهرلنیب، اولدیریلگی نی ایتگن.

اما طالبان گروهی، پوسته ده گی 19 پولیس نی سیرلی روشده اولدیرگنلیکلرینی ادعا قیلگنلر.

اوشبو پولس عسکرلری غزنی نینگ اندر تومنیده کیچه تمانیدن قوراللی طالبان تمانیدن اولدیریب کیتیلگن. غزنی ولایتی ولایت کینگشی معاونی عبدالجامع جامع، نینگ ایتیشیچه، مذکور پولیسلر، آوقتلری زهر لنگندن سونگ، جنگریلری تمانیدن آتیب اولدیرگن.

جامع جنابلری، مذکور پوسته ده هلاک ایتیلگن لردن بیر قطاری بوندن آلدین طالبان گه قرشی عصیان کوتریب، محلی پولیس گه قوشیلگن لر جمله سیدن بولگنینی ایتگن.

او، مذکور حادثه ده 18 محلی پولیس نابود بولگنی نی تصدیقله گن.

اما غزنی محلی پولیس قوماندانی انجنیر لطف الله، حادثه ده اون ییتی نفر هلاک بولگنینی معلوم قیلدی:" اولگنلر 17 نفر دن عبارت، اون نفری محلی پولیس، و 7 ته سی تینچ اهالی دیر. اولردن بیرتعدادی تینچ اهالی بولیب، پولیس لر آلدیده مهمان ایدیلر. اولرنی هم آتیب اولدیرگنلر. بیزدن هیچ نرسه آلیب کیتمه گن فقطگینه شو آدملرنی اولدیرگنلرخلاص."

اما جنگری طالبان 19 پولیس نی سیرلی روشده اولدیرگنلیکلرینی ایتیب، اولرنینگ قورال اسلحه لری همده موترلرینی اوزلری بیلن آلیب کیتگنلیکلرینی ادعا قیلگنلر. اوشبو ادعا ایسه، محل خوفسیزلیک مسوللری تمانیدن رد ایتیلگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.