BBC navigation

هویدا شعرلری کلیاتی کابل ده نشر ایتیلدی

Сўнгги янгиланиш 27 феврал 2013 - 15:19 GMT

فرغانه ده یشب ایجاد ایتگن عارف شاعر و مدرس خواجه نظر هویدا شعرلری نینگ کلیاتی ایلک بار افغانستانده نشر ایتیلدیٍ افغانستانلیک اوزبیک یازووچی و ادبیاتشناس عالم استاد رحیم ابرهیم سعی و حرکتی بیلن «انتشارات تعلیمی» تامانیدن کابلده نشر ایتیلگن بو کتاب «هویدا کلیاتی» دیب ناملنگنٍ
کتاب نینگ کیریش قسمیده استاد رحیم ابراهیم نینگ قیسقه مقدمه سی، هویدانینگ نبیره سی سراج الدین سراجی قلمیگه منسوب «دیباچۀ ایشانِ هویدا» سرلوحه لی مقاله سی همده خواجم نظر هویدا شرح حالی و ایجادی حقیده مقاله شونینگدیک افغانستانلیک تورکمن یازووچی استاد محمد صالح راسخ نینگ هویدا توغریسیده یازگن مقاله سی نشر ایتیلگنٍ
«هویدا کلیاتی» اساسن اوچ قسمدن عبارت:
بیرینچی قسمده هویدانینگ تورلی اجتماعی، عرفانی و لیریک ایجادی دن تشکیل تاپگن شعرلری جای آلگنٍ در واقع کلیات نینگ کته قسمینی اوز ایچیگه آلگن دیوان بولیمی 368 غزل، بیش مستزاد، 54 تورتلیک، 3 مخمس(بیش مصرع لیک)، بیر مسدس(آلتی مصرع لیک)، بیر مُسبّع (ییتی مصرع لیک)، بیر مثمن (سکیز مصرع لیک)، بیر متسع (توقیز مصرع لیک)، بیر ترجیع بند همده شاعرنینگ«خالقا!» سرلوحه‌لی الله گه التجاسی همده حکمت ناملی یسویانه تورتلیکلر کبی شعرلریدن عبارتٍ
دیون سونگیده هویدا نبیره سی سراجی نینگ شاعر وفات ایتگن تاریخی گه بغیشلب یازیلگن قصیده سی همده هویدا شعرلری نینگ تاشکیت چاپیده کیلتیریلگن «تمت بالخیر» سرلوحه لی شعر هم نشر ایتیلگنٍ
«هویدا کلیاتی» نینگ ایکینچی قسمی ده گی شعرلر «راحت دل» دیب ناملنه دیٍ بو بولیمده حمد، مناجات، حکایتلر و روایتلر کبی کته و کیچیک حجمده گی شعرلر کوزگه تشلنه دیٍ «راحت دل» بولیمی هم بیر دیباچه بیلن باشلنه دیٍ اوشبو دیباچه هم سراجی تامانیدن یازیلگنٍ «راحت دل» بولیمی نی تشکیل ایتگن شعرلر موضوعلری اساسن دینی، اجتماعی، اخلاقی مساله لر دن عبارتٍ
«سلطان ابراهیم ادهم» داستانی «هویدا کلیاتی» نینگ سونگیدن جای آلگنٍ اساسن داستان نینگ حکایه سی مثنوی ژانریده یازیلگن بولسه ده، هویدا داستان دوامیده سلطان ابراهیم تیلیدن بیر نیچه غزل هم یازگنٍ
هویدا کیم بولگن؟
آتی خواجم نظریا خواجه نظر، آته سی نینگ آتی غایب نظرٍ میلادی 81-1780- ییللرده وفات ایتگنٍ هویدا تخلص لی بیلن اوزبیک تیلیده ایجاد ایتگنٍ اوزبیکستان گه قره شلی فرغانه ولایتی نینگ چیمیان حدودیده توغیلگن خواجه نظر هویدا قوقان مدرسه لریده تحصیل آلگنٍ هویدا عمری نینگ کته قسمی نی مکتب دارلیک قیلیب اوزی توغیلیب اوسگن یورتی اهالی سی فرزندلریگه تعلیم بیریش گه صرفله گنٍ اوزبیک کلاسیک ادبیاتی نینگ تورلی شکل لریده شعرلر یره تگن هویدا ایجادی عارفانه، رندانه، عاشقانه کیفیتلرگه ایگهٍ اونینگ شعرلری بوتون مرکزی آسیا همده افغانستان اوزبیکلری تامانیدن اوقیب کیلینگنٍ
هویدا شعرلری افغانستانده
شاعر خواجه نظر هویدا شعرلری اوتمیشده افغانستانلیک اوزبیکلر طرفیدن سیویب اوقیلگنٍ قیش موسمیده قیشلاقلر مسجد لری حجره لریده اوتکزیله دیگن کتابخوانلیک دوره لریده هویدا شعرلری توپلملری مشرب، صوفی الله یار،یسوی و حضرت علیشیر نوایی شعرلری قطاریده اوقیلگنی بیزگه معلومٍ هویدا غزللری قطار کتابخوانلر تامانیدن یاد قیلینیب هر ییرده اوقیلردیٍ شونینگدیک افغانستان شمال ولایتلری اینیقسه فاریاب ده بعضی بیر بخشی لر هم هویدا نینگ بعضی بیر غزللری نی یادلب دومبیره آهنگیده کویله گنلرٍ
هویدا شعرلری توپلمی بوندن آلدین هم افغانستانده نشر ایتیلگن، بیراق اونینگ شعری اثرلری نینگ تولیق متنی « هویدا کلیاتی» یقینده استاد رحیم ابراهیم تامانیدن چاپ ایتیلدیٍ بو مجموعه هویدا ایجادی نینگ تنقیدی متنی بولمسه ده آلدینگی نشر لرگه نسبتن توله راق و یخشی راق بیر کورینیشده چاپ قیلینگن، افغانستانلیک اوزبیک کتابخوانلرنی کلاسیک ادبیاتیمیزنینگ مهم نمونه لریدن سنلمیش بو کتاب نی اوقیش گه دعوت ایته منٍ

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.