BBC navigation

آیسا خلق آرا هم جمعیت دولتلریدن ٢٠٠ میلیون دالر یاردم سوره دی

Сўнгги янгиланиш 28 феврал 2013 - 13:18 GMT

آیسا گه کوره اوشبو پروژه لرده 200 میلیون دن آرتیق دالر خرجت صرفلنیب، لایحه یولگه قوییلگن حالده، اونلب آدم اوچون ایش زمینه سی مهیا ایتیلیشی ممکن.

افغانستان نینگ سرمایه یاتقیزووچی لرینی حمایه ایتووچی اداره سی آیسا، اقتصادی لایحه لرحمایه لنیشی اوچون، دنیا جماعه چیلیگی دن یاردم کورستیشی نی سوره گن. اوشبو اداره سی مسووللری، مذکور پروژه لر، خصوصی سرمایه یاتقیزووچیلرنینگ حمایه ایتیلیشی و ترغیبلنیشی همده صنعتی پارکلرایجاد ایتیلیشی توغریسیده لایحه لشتیریلگنی نی ایتگنلر.
اولرگه کوره، اوشبو پروژه لرده 200 میلیون دن آرتیق دالر خرجت صرفلنیب، لایحه یولگه قوییلگن حالده، اونلب آدم اوچون ایش زمینه سی مهیا ایتیلیشی ممکن.
خارجی کوچلرنینگ میلادی 2014 ییلده افغانستان نی ترک ایته یاتگن یاتگن بیرپیتده، اوشبو مملکت دولت رسمیلری بیرقطار اقتصادی لایحه لرنی یولگه قوییب، مملکت نی کوچیتیریش اوچون سعی و حرکت آلیب باریشگه اینتیلماقده لر.
افغانستان سرمایه یاتقیزووچیلرینی حمایه ایتووچی آیسا اداره سی، خصوصی سکتورلرنی تشویش وترغیبلش مقصدیده، بیر قطار پروژه لرنی اعلان قیلیب، دنیا جماعه چیلیگی دن اوشبو لایحه لرنی قوللب قوتلشی نی سوره ماقده.
اوشبو لایحه لر کابلده بیرقطار یاردم کورستووچی مملکتلرنینگ ایلچی ونماینده لری نینگ اشتراکی ده اعلان قیلیندی. آیسا اداره سی رییسی، وفی الله افتخار، اوشبو لایحه لرعملگه آشیریلگن تقدیرده، مملکت اقتصادی اوسیشی گه سبب بولیشی نی ایتدی:"بیز کوزلنگن لایجه لرنی دنیا جماعه چیلیگی گه تکلیف قیلدیک، اگر اولر حقیقتآ افغانستان نینگ اقتصادی اوسیشیگه طرفدار بولیب، اوشبو مملکت باشقه دولتلرگه محتاج بولیب توریشی نی ایسته مه ی دیگن بولسه لر، خصوصی سکتورلر نینگ رواجلنیشی و سرمایه یاتقیزووچیلر نی ترغیبلشده همکارلیک قیلیشلری کیره ک. بوگونگی لایحه لریمیزده برچه موضوعلر کیریتیلگن. بیز بوحقده دنیا جماعه چیلیگی نینگ اعتبارینی جلب ایتیشگه امیدوارمیز".
افتخاری جنابلری گه کوره، اوشبو پروژه لر ده 200 میلیون دن زیاد دالر صرفلنیب، اونینگ عملگه آشیشی بیلن 200 مینگ آدم اوچون ایش زمینه سی مهیا بولیشی ممکن. اونینگ ایتیشیچه، پروژه لرنینگ کوپچیلیگی خصوصی سرمایه یاتقیزووچیلرنی حمایه ایتیش اوچون صنعتی پارکلر ایجاد ایتیش مقصدیده اجره تیلگن.
اوشبو اعلان دن سونگراق، افغانستان نینگ اقتصادی ساحه لریده آبادی نامی آستیده فعالیت آلیب باره یاتگن بیر امریکالیک اداره مسووللی زدرفکوشمی، آیسا نینگ مذکور لایحه لرینی حمایه قیلیشی ممکنلیگی نی ایتدی:"بیز تاجرلربیلن لایحه لر رواجلنیشی، ایشلب چیقه ریش وسرمایه گذارلیک ساحه لریده ایش آلیب باریشی میز ممکن. مذکور لایحه لرنینگ یخشی یولگه قوییلیشی اوچون تخنیکی یاردم و مصلحت بیریب، اولرنی ینگی تکنالوژی بیلن تامینله ی میز".
اما حاضرگه قدر آیسا نینگ اوشبو یاردم تکلیفلریگه باشقه مملکتلر و اداره لری گه ایجابی جواب بیریب بیرمسلیگی معلوم ایمس. افغانستان رسمیلری بوحقده یاردم کورستووچی مملکتلر رسمیلری بیلن مذاکره آلیب باریشلرینی تاکیدله گنلر.
حکومت رسمیلری، سرمایه گزارلر و صناعتکارلر اوچون قوله ی لیک یره تیش اوچون، خصوصی بولیملرنی حمایه ایتیش لایحه سینی تصدیقله گنلیکلرینی ایتماقده لر. اما خوفسیزلیک و مسله لر افغانستان ده سرمایه یاتقیزووچیلر فعالیتی اوچون اساسی معما بولیب قالگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.