BBC navigation

افغانستان ملی تیرمه جماعه سی، سریلانکا نی مغلوب قیلدی

Сўнгги янгиланиш 3 март 2013 - 05:55 GMT

فوتبال بوییچه افغانستان ملی تیرمه جماعه سی گروه باسقیچ سره لش بیلله شوولری نینگ دستلبکی اوچره شوویده سریلانکالیک رقیبلرینی 1:0 حسابیده مغلوب ایتدی.

افغانستانلیک هجومچی بیلال آرزو مذکور اوچره شوونینگ قهرمانیگه ایلندی. بلال بیرینچی بولیم نینگ سونگی دقیقه لریده (45 دقیقه) کیریتگن یگانه توپ اویین تقدیرینی حل قیلدی.

سریلانکا مغلوب ایتیش آرتیدن افغانستانلیک فوتبالچیلر دوشنبه کونی مغلوستانلیک رقیبلریگه قرشی میدانگه توشیشه دی.

2006 ییلیده ستارت آلگن آسیا فوتبال کانفدراسیونی کوباگی بو ییل بیشینچی بار اوتکزیلماقده.

خلق ارا فوتبال تورنری کانفدراسیونی گه مذکور مملکت لر فوتبال درجه سینی آشیریش ایکنی ایتیله دی.

گروه باسقیچ بیلله شوولریده آسیا قطعه سیدن بولگن 20 جماعه بیش گروه بولینیب، اوز سره لش باسقیچ بیلله شوولرینی باشلشماقده.

نوبتده گی باسقیچگه ایسه، گروه غالبلری و ینه ایککینچی اوریننی ایگلله گن ایککی نفری بیلن جمع 7 ملی تیرمه جماعه چیقیشه دی.

( او-اِف-کی) چقیروو کوباگی و مرکزی آسیا

یریم فاینل اوزبیکستان ملی تیرمه جماعه سی آسیا کوباگیده قید ایتگن اینگ یوقاری نتیجه دیر.

آسیا کانفدراسیونی چقیروو کوباگیده مرکزی آسیا منطقه سیدن قرغیزیستان "رواجلنه یاتگن اعضالر" تصنیفیگه کیریشسه- ده، تاجیکستان و تورکمنستان هم اشتراک ایتیب کیلیشه دی.

تاجیکستان 2006 ییلده تورنر غالبیگه ایلنگن بولسه، تورکمنستان ایککی بار2-0 اورین و قیرغیزستان بیر بار اوچینچی اوریننی قولگه کیریتیشگه موفق بولگن.

شوییل فبروری آیی نینگ 6 نچی سیده ( او-اِف-کی) نینگ رواجلنگن اعضالر" ترکیبیده بولگن اوزبیکستان 2015 نچی ییلگی آسیا کوباگی گروه باسقیچ سره لش بیلله شوولرینی باشله گن و اوز میدانیده هانگ کانگ بیلن دورنگ(0:0) نتیجه قید ایتگن ایدی.

اوزبیکستان فوتبالچیلر نوبتده گی بیلله شوولرینی 22 مارچ کونی سفرده بیرلشگن عرب امریکالیک لرگه قرشی اوتکزیشه دی.

یریم فاینل اوزبیکستان ملی تیرمه جماعه سی آسیا کوباگیده قید ایتگن اینگ یوقاری نتیجه دیر.

اوزبیکستانلیک فوتبالچیلر2011 نچی ییلده قطرده بولیب اوتگن اویینلرده قطعه ینگ اینگ زور تورت جماعه سی سفرلریگه کیریشگه موفق بولگن ایدی.

بو کبی نتیجه نی حاضرچه بیرار بیر مرکزی آسیا دولتی تکرارلشگه موفق بولگن ایمس.

له آس گه جونب کیتیشلریدن اول افغانستان ملی تیرمه جماعه سی باش مربی سی یوسف کارگر حاضرلیکلری اعلی درجه ده ایکنی نی بیان قیلگن ایدی.

اساس سالینگن 2006 نچی ییلدن بویان اشتراک ایتیب کیله یاتگن ایسه- ده، اوچ اون ییل دیر که اوروشلر گردابیده قاله یاتگن افغانستان هلیچه آسیا فوتبال کانفدراسیونی کوباگیده یوکسک نتیجه قید ایتمه گن.

اما گروه باسقیچ بیلله شوولریده قوشنی قیرغیزستان نی ایککی بار یینگیشگه موفق بولگن.

2008 نچی ییلگی آسیا کانفدراسیونی چقیروو کوباگیده دستلبکی باسقیچ سره لش بیلله شوولریده اوز گروهیده غالب چیقیب، نوبتده گی باسقیچگه چیقگن، بیراق هندوستان، تاجکستان و تورکمنستان گه یینگیلیب، آرتگه قیتیشگه مجبور بولگن ایدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.