BBC navigation

جاري ييلده فاريابليك 2300عايله اوزاوي وجايلريدن آواره بولگن لر

Сўнгги янгиланиш 4 март 2013 - 13:42 GMT

فارياب ولايتي نينگ قاچقين لر رياستي گه كوره اوي جاي لريدن ايريلگن لرنينگ كوپچيليگي اوزتومن لريگه تيگيشلي قيشلاق لرده يا قوشني تومن لرده حيات كيچيريب كيلماقده لر وبيرقطار لري هم ولايت مركزي گه كيلگن لر.

بو ولايت نينگ قاچقين لر رياستي باشليغي آقامحمد راحم اوز اوي جاي لريدن آواره بولگن عايله لرساني باشقه ييللرگه نسبتن بوييل آشگنليگي ني معلوم قيليب بونگه سبب كوپراق جاري ييلده بو ولايتده ناقرارليك لرآشگن ليگي ديب ايته دي.

"ايسله شيميز كيره ك 1391ييلده يعني بوييل نينگ 9آييده 2300عايله بو ولايت نينگ تورلي منطقه لريدن اوزاوي لريني ترك ايتيشگه مجبوربولگن لر، آواره لررقميني مملكت نينگ شمال وشمال شرق ولايت لري بيلن كوپليك جهت دن ساليشتيريب كورگنده، بوولايت آواره لري بيرينچي اورينده توره دي، بونگه بوولايت نينگ غورماچ، المار، قيصار، پشتونكوت وباشقه ايريم تومن لري نينگ جاري ييلده خوف سيزليك وضعيتي يمانلشگن ليگي سبب بولگن.

بو اداره وباشقه ياردم ايتووچي تشكيلات لرتمانيدن آليب باريلگن تيكشيرووده 1739 عايله ايسه ياردم گه محتاج ايكن ليك لري انيقله نيب يواين ايچ سي آرتشكيلاتي تمانيدن ياردم كورسه تيلدي" دييدي فارياب ولايتي قاچقين لررياستي نينگ باشليغي آقا محمد راحم

فارياب ولايتي نينگ قاچقين لررياستي گه كوره اوز منطقه لريدن آواره بولگن بورقم دن 820عايله ايسه قيته اوزقيشلاق لريگه قيتگن لر.

شونينگ ديك اوشبو اداره تمانيدن بيريلگن حسابات ده بيرنيچه ييل مقدم دن هلي گچه بو ولايت نينگ تورلي حدودلريدن توررييرلريني ترك ايتگن لرساني توپلم 10000عايله گه ييتگني تخمين قيلينه دي.

فارياب ولايتي نينگ قاچقين رياستي بيرگن معلوماتي گه كوره اوي جاييدن ايريلگن قاچقين لراوچ قسم گه بولينگن: قشاق ليك، قوراللي لر تهديلري ، منطقه لري اوروش ميداني گه ايلنگن كيشي لردن دن عبارت بوليب، بولر خيمه لرآستيده، دوست و قرينداشلري نينگ توررجاي لريده وقالگن بيرقسم لري هم كراه ده باشقه لرنينگ بنا سيده حيات كيچيريب كيله ياتگن لري معلوم قيلينه دي.

بوولايتده قاچقين لربوييچه فعاليت قيليب كيله ياتگن (يواين ايچ سي آر) اداره سي تمانيدن اويلريني ترك ايتگن لرگه ييگوليك آذوقه وياقيلغي ماده وشونگه اوخشش يشش اوچون كيره كلي ذات لر ياردم ايتيلگن. اما كورسه تيلگن ياردملرييترلي ايمس ليگي ايتيله دي، حاضرگي كونده قاچقين لراوچون بيرينچي احتياج ايسه ياقيلغي ماده وآذوق آوقت بولگن.

فارياب ولايتي نينگ قاچقين لر رياستي باشليغي گه كوره اوبومساله ني نيچه مرته ياردم ايتووچي تشكيلات لرييغيني گه اورته گه قويگن اولرنينگ بو خصوصده جدي اعتبارقره تيش لريني سوره گن انه شوسبب ناحكومت تشكيلات لربوخصوصده ياردم لري نينگ مقداري آشه ياتگن ليگي ني ايته دي.

ميمنه شهري نينگ شرق تامانيده جايلشگن دم قول ناملي ميدان، اخيرگي بيرنيچه ييلده بوولايت نينگ اوزاق ويقين قيشلاق لريدن مهاجربولگن يوزلب مهاجرعايله نينگ اوزبغريگه قبول قيليب كيلماقده. آواره بولگن عايله لرتمانيدن بوييرتورربنا قوريب حيات كيچيريش محلي گه ايله نيشي ساندن جهت دن قاچقين لركولمي آشه ياتگن ليگي نينگ اثباتي دير.

پشتونكوت تومني نينگ بوچه قشلاقي دن آواره بولگن نظير، بوولايت نينگ مينگلب قاچقين لريدن بيري اوايش سيزليك سبب ولايت مركزي گه بوندن 6آي آلدين كيليش گه مجبور بولگني ني تيل گه آله دي.

" قيشلاقيميزده ايش يوق ايدي، مجبورليكدن شهرگه كيليب مردكارچيليك ويا جوالي گرليك يولي بيلن درآمد تاپيب، كونده ليك روزگاراوتكزيش ني مقصدقيلديم، بوييرده هم كوپ ايش يوق، بوييرگه كيلمسدن آلدين ايرانده ايديم بيليم ني جراحليك عملياتي قيلديرگن ايديم، بير نيچه كون آلدين مردكارچيليك ايشي جريانيده بيليم ينه نقصان كورگنگه اوخشه يدي شيكيللي بيلمه سم ايندي، بوباله چققه لريم بيلن روزگاريم ني قنده ي اوتكزسم" دييدي او

اواونلب اهالي اوز قيشلاقيدن ولايت مركزي يقيني گه كيليب جايلشگن ليگي ني ايته دي، اوزاق قيشلاق لردن مهاجر بولگن لردن بيرقطارلري اولرگه هيچ قنده ي ياردم بولمه گني ني ايته ديلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.