BBC navigation

طالبان رهبرلریدن بولگن ملاآغاجان معتصم، سیاسی حزب ایجاد ایته دی

Сўнгги янгиланиш 4 март 2013 - 13:26 GMT

طالبان گروهی سابق رهبرلریدن بیری ملا آغا جان معتصم، اوزی بیر ینگی حرکت یا حزب ایجاد ایتیشگه سعی و حرکت آلیب باره یاتگنی نی ایتگن.

بی بی سی بیلن صحبت اوتکزگن معتصم جنابلری، بیر سیاسی حزب ایجاد ایتیش اوچون، بیرقطار دوستلری بیلن مصلحت قیلیب، شو مناسبت بیلن بعضی بیرممکتلرگه هم سفر قیلگنی نی معلوم قیلگن.

او بوندن آلدین طالبان رهبری ملا محمد عمر گه یقین شخصلردن بیری ایدی، لیکن کراچی شهریده جانی گه قیلینگن سوء قصد دن سونگ، تورکیه گه باریب حیات کیچیرماقده.

طالبان حاکمیتی اغده ریلگنی دن سونگ، ایلک باردیر که اوشبو گروه نینگ سابق اعضالریدن بیری افغانستانده سیاسی حزب ایجاد ایتیب، فعالیت قیلیشگه تیارگرلیک کورگن.

طالبان گروهی رهبری ملا محمد عمرگه یقین بولگن شخصلردن حسابلنمیش ملاآغا جان معتصم، بوندن بیر ییل مقدم پاکستانده جانی گه اویوشتیریلگن سوء قصد دن آلگن جراحت نی دوالش مقصدیده تورکیه کیتیب، او ییرده کون کیچیرماقده.

تورکیه دن توریب بی بی سی یبلن صحبت اوتکزگن معتصم، بوندن کیین بیر سیاسی حزب ایجاد ایتیب، اوز فعالیتلرینی آلغه سوریشی باره سیده تاکیدله دی. اونگه کوره، اوشبو مدت ده عملگه آشیریلگن حرکتلر هیچ قنده ی نتیجه گه ایریشمه گن و بوحقده اوزی چاره تدبیر کوریب چیقماقده.

معتصم جنابلری، شونینگ دیک، سیاسی حزب نی تشکیل ایتیش اوچون، یقین دوستلری بیلن کیلیشیب آلگن و بوحقده بیرنیچه جایلرگه هم سفر قیلگنی نی معلوم قیلدی.

طالبان نینگ سابق اوشبو یوقاری لوازملی رسمی سی، آتلری بیرلشگن ملتلر تشکیلاتی نینگ قاره رویخطی دن آلیب تشلنگن طالبان بیرقطار رهبرلرینی هم اوشبو سیاسی حزب گه حصه قوشیشگه چیقیردی.

او، طالبان رهبرلریدن کمیده 20 ته سی نینگ اسمی قاره رویخط دن آلیب تشلنگن، و اولر ایرکین روشده سفر قیلیب، دنیا هم جمعیتی بیلن علاقه اورنه تیشگه قادر دییدی.

او، سیاسی سفرلری قه چان باشله نیشی حقیده بیرار نرسه دیمه دی، اما اونگه کوره، بو باره ده سعی و حرکتلر دوام ایتماقده و شرایط مهیا بولگن حالده، ایش فعالیتلرینی باشله شی ممکن.

اوتگن اون ییلدن بیری طالبان نینگ سابق یوقاری لوازملی رسمیلریدن هیچ بیری بونده ی بیر حرکت نی یولگه قویمه گندی.اما افغانستان دولتی هر دایم طالبان رهبرلرینی سیاسی تیزیمگه قوشیلیشی نی طلب قیلیب کیلگن. اولر ایسه، بونده ی چیقیریشلرگه، چیت ایل کوچلری نینگ مملکت نی ترک ایتیشی وباشقه بیر قطار شرطلرنی اورته گه قوییب کیلگنلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.