BBC navigation

کرزی: هر مملکت کوچلری افغانستانگه قالماقچی بولسه شرایطیمیزنی قبول قیلیشی کیره ک

Сўнгги янгиланиш 6 март 2013 - 12:05 GMT

افغانستان جمهور رییسی حامد کرزی، میلادی 2014 نچی ییلدن کیین مملکتگه قالیش نی ایسته یاتگن هر بیر خارجی دولت کوچلری، افغانستان شرط و شرایط لری نی قبول قیلیش لری بیلن ممکن دیب اعلان قیلگن.

کرزی جنابلری پارلمان نینگ آچیلیش مراسمیده یوریتگن سوزلریده، خارجی لرنینگ افغانستاندن چیقیب کیتیشی هر ایککله مملکت منفعتی گه بولیب، و افغانستان بو چیقیش نی خوش قرشی له یدی دیب معلوم قیلدی.

کرزی جنابلری شونینگ دیک، مسوولیتلر بوتونلی افغانلرگه تاپشیریلیشی بیلن، او گناه سیز محبوس لرنینگ آزاد ایتیلیشی اوچون بویروغ صادر قیلیشی نی هم معلوم قیلگن.

میلادی 2014 نچی ییل یعنی خارجی کوچلر افغانستان نینگ ترک ایتیش زمانی یقین بولیشی بیلن، افغانستان جمهور رییسی حامد کرزی، مذکور جریاننی جدی شکلده تعقیب ایتیب، زودلیکگه مسوولیت لر جریانی توگه ییب افغانلر آلیشی اوستیده تاکید له دی.

کرزی جنابلری مملکت پارلمان آچیلیش مراسمیده سوزگه چیقیب، هر بیر مملکت افغانستانگه قالیش نی ایسته سه، افغانستان حکومتی بیلن ایری بیر موافقت نامه امضا قیلیشی نی هم بیان قیلدی.

" هر بیر مملکت افغانستانگه قالماقچی بولسه، و افغانستانگه یاردم بیرسه، ایری بیر کیلیشوو امضا قیلیشی کیره ک. شونده ی بیر کیلیشوو نامه که، افغانستان تمانیدن سوریلگن شرطنامه لر قبول قیلینسه. بو خارجی مملکت لر اوز ایسته گی دیک ویا ناتو چوکاتیده میز دیب بهانه قیله آلمه یدیلر، بیز و ناتو آره سیده گی معامله بو مسئله دن ایری بیر موضوع دیر. هر بیر مملکت افغانستانگه قالیش نی ایسته سه، افغانستان شرط و شرایطی نی قبول قیلیشی لازم و قبول قیلیشی بیلن بو ییرده قالیش لری ممکن."

جمهور رییس کرزی شونگه قوشیچه قیلیب، امریکا و افغانستان آره سیده امضا بولیشی کوتیله یاتگن مسئله اوستیده بحث لر جریانی بارلیگی نی ایتیب، هر قنده ی کیلیشوو امریکا و یا باشقه هر بیر مملکت بیلن امضا بولیشیده افغانستان مردمی و پارلمانی نینگ تاییدی بیلن عملگه آشیریلیشی نی معلوم قیلدی.

کرزی جنابلری، بگرام قماقخانه سی نینگ امریکالیک لردن افغانلرگه اوتیشی توغری سیده هم خوشبین لیک کورسه تیب، مذکور جریان توگه ییشی بیلن کیله سی شنبه ده، گناه سیز محبوس لرنینگ آزاد ایتیش بویروغی نی صادر قیلیشی نی هم یوزه گه چیقردی.

" کوپ گینه گناه سیز شخص لر بو قماقخانه ده اسره ب کیلینماقده. مین بو قماقخانه مسوولتی بوتونلی افغانستان حکومتی گه اوتگنیدن کیین، محبوس لرنینگ آزاد ایتیلیش بویروغی نی صادر قیله من. جرم گه قول اورگن محبوس لر محکمه بولیب جزالنیشی کیره ک".

کرزی جنابلری افغانستان قماقخانه لریده قیناق موجود لیگی نی هم تن آلیب، و بو قیناق لرنینگ آلدینی آلیش اوچون خوف سیزلیک کمره لرنی قماقخانه لرگه نصب ایتیشی دن خبر بیردی.

شو نینگ دیک او افغانستانده قلدرلیک قیله یاتگن لر دولت و خارجی لر تمانیدن حمایت ایتیلیشلری نی هم معلوم قیلدی.

جمهور رییس کرزی افغانستان جمهور رییسلیک سیلاولری توغریسیده، او، مملکت ده شفاف، عدالتلی و اره لشوو سیز سیلاو بولیب اوتیشیگه سعی و حرکت آلیب باریشی ممکنلیگی نی تاکیدله دی.

اونینگ ایتیشیچه، افغانستان سیلاولری کم خرجت بیلن اوتکزیلیشی کیره ک. چونکه اوتگن سیلاولرده هر بیر آواز 30 ـ 40 دالر خرجت کوترگن. اونگه کوره، هندوستانده بولیب اوته دیگن سیلاولر، بیر دالر خرجت کوته ره دی. او، افغانستان 2014 ییلدن سونگ، ایکی اینگ مهم سیاسی و حربی باسقیچ نی باشدن کیچیره دی دیدی.

اوشبو مراسمده کرزی جنابلری افغانستان اهالیسی خارجی کوچلر دن خوفسیزلیک مسوولیتلرنی ضمه سیگه آلیش صحنه لری همده سیاسی اوتیش یعنی جمهور رییسلیک سیلاولری گه گواه بولیشی ممکنلیگی نی ایتدی.

کرزیگه کوره، او، اوشبو ایکی باسقیچ گه خرسندلیک بیلن افغانلرنینگ بهاری صفتی ده قره یدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.