BBC navigation

جهادی گروه اعضاسی- محمد محقق نینگ عمر یولداشی حقیده

Сўнгги янгиланиш 7 март 2013 - 16:41 GMT

مین اوچون اوته قیین و مرکب وضیعتلر عینن اوشه مقاومت و کوره‌شلر پیتی بۉلگن.

وحیده اون بیر ییل آلدین افغانستان نینگ تانیقلی سیاسی چهر‌‌ه‌لریدن بیری حسابلنگن محمد محقق بیلن اویلنگن. آلتی فرزند آنه‌سی و حیاتی نینگ سلماقلی قسمینی اولرگه بغیشلب کیلگن، باله‌لرینینگ خورسندلیگینی ایسته‌یدی او. فارس تیلی ادبیاتینی اوقیب بیتیریگن بو عیال هرقنده‌ی اجتماعی فعالیت و خط- حرکتلردن فارغ. فقط، عادی رۉزغار ایشی بیلن بند. بیراق اۉزینینگ گپلریگه قره‌گنده، او یالغیزگینه قدرتلی لیدر عیالی بۉلیب، آرقه‌لرگه قالیب کیتیشینی هم ایستمه‌یدی.

37 یاشلی وحیده جهادی رهبرلردن بیری، محمد محقق نینگ اوچینچی عمر یولداشی. احتمال محقق نینگ یخلیت اسمی گینه، وحیده نی ایککی کونداشلر بیلن بیرگه‌لیکده حیات کیچیریشگه کۉنیکتیرگن دیر. او، محقق نینگ باشقه خاتینلری بیلن مناسبتی غایت یخشی اېکنلیگینی ایته‌دی. رهبرنینگ هر اوچله رفیقه ‌سی هم بیر حاولیده یشب کیلماقده‌.

وحیده، یخشی- یمان کونلرده خوجه‌یینی بیلن صمیمي بولیب، اونگه تورلی ساحه‌لرده فایده‌لی مصلحتلر بیریب توریشینی ایته‌دی. سابق اوروشلر وضیعیتی یوقلیگی باعث، وحیده باله- چقه‌سی یو، عمر یولداشی نینگ یانیده، و بیر- بیرلریگه کیره‌کلی پیت اجره‌ته‌آلیشلریدن خورسند.

اوشه پیتلر خاطره‌سینی او منه بونده‌گی حکایه‌ قیله‌دی:

«مین اوچون اوته قیین و مرکب وضیعتلر عینن اوشه مقاومت و کوره‌شلر پیتی بۉلگن. چونکه او زمانلرده فرزندیم یۉق بولگن و مین تاغ- تاشلرده، آچیغی؛ منطقه‌نینگ خطرلی راق حدودلریدن بیری حسابلنگن سوف وادیسیده او بیلن یانمه- یان حرکتده ایدیم. اونی قۉللب- قۉتلر ایدیم. سینی کوره‌شلرینگ یۉلیده هیچ قنده‌ی بای بیریش یۉق دیرایدیم. نیگه که اونگه آچیق روحیه بیریشنی اۉز بورچیم دیب حسابلر ایدیم.»

محقق جنابلری نینگ، ایندی عایله‌سی بیلن کوپراق وقت کیچیریشگه انچه یین وقتی بار. ولیکن اونینگ نقطه نظریگه کوره، خاتین- قیزلرنینگ ایرکینلیکلری مسئله‌سی اوچون کوره‌شیش باش آغریق و جنجال سیز ایمس.

وحیده گاهیده باله‌لری بیلن سیر و سیاحت و دم آلیشلرگه چیقیب توره‌دی. عادی فقرا محقق نینگ عمر یولداشینی بیلیشمه‌یدی. اگر تعبیر جایز بۉلسه، بو ایسه اونی احتمالی خطرلردن اسره‌یدی.

وحیده شونده‌ی دییدی: «رسمي ایشلریم بۉلمه‌گنی اوچون اصلا تلویزیون ایکرنلریگه هم چیقمه گمن. شونده‌ی بیر زمینه هم یره‌تیلگنی یوق اصلیده. شو طفیلی شهرنینگ کتته گینه قسمی مینی تانیمه‌یدیلر. کوپلب افغان عیاللری کبی مین هم اوی بیکه‌سی من. تجملسیز و ساده حیاتنی سیوه من. عادی اهالینینگ حیاتینی یاقتیره‌من. اولر بیملال کوچه- بازارلرگه چیقیشه‌دی، سودا- ساتیق گه باریشه‌دی. مین هم اولرده‌ی بۉلیشنی ایسته‌یمن.»

شونده‌ی بولسه- ده، دایم یانیده بیرته- ایکیته ساقچی کیشی آلیب یوریشگه مجبور. یوره‌گی قیزه‌لاق پیتینی قومسه‌یدی. روزغار داوانلریدن بۉش و بی ریا بولگن ایاملرینی ساغینه‌دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.