BBC navigation

بریتانیا افغانستان کان وزیرلیگی گه ١٥ میلیون دالر بیره دی

Сўнгги янгиланиш 10 март 2013 - 10:00 GMT

بویوک بریتانیا باش وزیری افغانستان نینگ ییرک طبعی ذخیره لریدن فایده لنیشگه عاید ١٥ میلیون دالر دستورنی مالیه لش حقیده معلوم قیلگن

بویوک بریتانیا باش وزیری افغانستان نینگ ییرک طبعی ذخیره لریدن فایده لنیشگه عاید ١٥ میلیون دالر دستورنی مالیه لش حقیده معلوم قیلگن .حساب کتابلرگه کوره ، افغانستان ده ١-٣ ترلیون دالر لیک قیمت گه ایگه آلتین، قیمت بها تاشلر، تیمر معدنی ، نفت و گاز موجود.

دیوید کامرون افغانستان کانلر وزیرلیگی نینگ ٣ ییلگه قدر مالیه لش باره سیده لندن ده اوتگن تدبیرده اعلان قیلگن.

بوندن آلدین طالبان توزومی اغدریلگنیدن سونگ، طبعی ذخیره لرنی قازیش بویچه شرط نامه لر فساد گه باتکنیگه عاید ادعا لر ینگره دی. اینقسه، چین شرکت بیلن لوگر ولایتده گی مس کانینی رواجلنتریشیگه قره تیلگن 30 ییلیک شرط نامه تنقید آستیگه آلیندی.

ایککی تمان اورته سیده 2007 ییل امضا لنگن کیلشو تفصیلاتلری امان عامه گه آشکار قیلنمه گنی پاره خورلیک باره سیده گی گپ –سوز لرنی ینه ده اورچیتگن.

جهان بانکی کیلجکده افغانستان ده گی تاغ-کان ذخیره لری بویچه امتیازلرنی یخشی راق ترتیبگه سالیشگه و شرطنامه لر شفاف راق بولیشنی تامین لشگه چقیرگن.

بریتانیا ینگی دستگیدن مقصد هم موجود وضعیتنی ایجابی تمانگه اوزگرتیریشی ایکنی ایتله دی . دویود کامرون جنابلریگه کوره، بریتانیا هله قچان افغانستانی برقرار لشتریشده کتته و شرفلی اورین اوینه دی . بیراق مملکت " رواجله نیش، اوسیش، ایش اورینلری، سرمایه و بایلیک"که احتیاجی بار.

بریتانیا کان شرکتلری باش وزیر نینگ اعلانینی خوش قرشی آلیشگن.

بی بی سی مخبری دیوید لایون نینگ ایتیشیچه، مذکور شرکتلر رقابتله شو اوچون عدالتلی حصه قوشیشگه چقیرلگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.