BBC navigation

صبغت الله مجددی:ایرکک و عیال اورته سیده پرده بولیشی کیرک

Сўнгги янгиланиш 7 март 2013 - 15:57 GMT

مینینگ خانمیم الله یره تگندن بیری حتی مستحب نمازلری قولدن کیتمسلیگی گه اویله یدی. شو سبب دن صحبت و شونگه اوخشش عاموی اخبارات واسطه لریگه قتنشه آلمه یدی.

بوگون کابل شهریده اونلب عیال 8 ینچی مارچ خلق ارا عیاللر کونی نی نشانلش مناسبتی بیلن کوچه لرگه چیقیب، اداری فساد و عدالت سیزلیککه قرشی شعار بیرگنلر.
اولر اوشبو نمایشده عیاللر گه قرشی عملگه آشیریله یاتگن زوره وانلیکلرمیزانی آشگنی همده اداری فساد کینگ مقیاسده ترقله یاتگنی دن اوز خواطرلرینی اظهار ایتگنلر.
عین دمده، عیاللرحقوقی تامینلنیشی نی حمایه قیلیب کیلگن سابق جهاد رهبرلریدن بیری، اونینگ تورموش اورتاغی مطبوعات ده چیقه آلمسلیگی نی ایتگن.
افغانستانده هر ییلی نشانلنیب، کیلگن سیکینچی مارچ عیاللر خلق ارا کونی، اوشبو بار اوتگن ییللر گه نسبتآ،سل فرقلی راق نشانلندی.
اوشبو مرته 8 مارچ مدنی جماعه چیلیک اداره سی نینگ تدبیری بیلن یولگه قوییلیب، اونده اونلب عیال پایتخت کابل نینگ کوچه لریگه چیقیب، عیال نه ضعیف و نه ایکینچی جنس شعار بیردیلر.
عدالت تامینللنیشی نی ایستب، اداری فساد گه قرشی شعار بیلن کوچه چیققن اوشبو عیاللر، مملکتده کینگ ترقلگن اداری فساد، عیاللرنینگ حق حقوقی گه ایریشیش گه کته توسیق بولیب، اولرگه قرشی زوره وانلیککه سبب بوله یاتگنی نی اظهار ایتماقده لر.
نشانلش مراسیمیده عیال و جماعه موسسه سی اداره سی رییسی زرغونه روشن، چیقیش قیلیب، بو حقده بونده ی دیدی:"بیز دنیا گه افغانستان عیاللری هم زوره وانلیککه قرشی کوره شگه قادر ایکنلیگی نی بیلدیریشیمیز کیره ک. بوگونگی کونده افغان عیاللری ایرککلر تمانیدن تورلی خیل زوره وانلیککه دوچ کیلماقده لر. شو نقطء نظردن بوگون بیز 8 مارچ نی عیاللرگه اوتکزیله یاتگن زوره وانلیکلر گه پایان بیریلیشی اوچون عمومی کوره ش صفتیده نشانله دی".
عاموی اخبارات واسطه لری جاری ییلده عیاللرگه قرشی اینگ قوپال زوره وانلیک حالتلری دن خبر بیریب، اوشبو زوره وانلیکلر بویینی کیسیش، دارگه آسیش، کویدیریش و شفقت سیزلیک بیلن اولدیریش دن عبارت بولگنی نی قید ایتگن.
عیاللرگه قرشی زوره وانلیکلر میزانی آشر ایکن، بوحقده بار بار عیاللر حقوقی حمایه لنیشی، زوره وانلیک اوتکریلمسلیگی، ایرکینلیک بیریلیشی، دموکراسی تامینلنیشی و شونگه اوخشش باشقه بیر قطار بیاناتلر بیلن چیقیش قیلیب کیلگن افغانستان رهبرلرنینگ تورموش اورتاغلری نیمه اوچون میدیا ده کورینمه ی یپتی لر؟
اوشبو رهبرلردن بیری حضرت صبغت الله مجددی، تورموش اورتاغی حقیده بونده ی دییدی:"مینینگ خانمیم الله یره تگندن بیری حتی مستحب نمازلری قولدن کیتمسلیگی گه اویله یدی. شو سبب دن صحبت و شونگه اوخشش عاموی اخبارات واسطه لریگه قتنشه آلمه یدی. ویا هم سیماسی تلویزیونلرده کورینیشی نی ایسته مه یدی. بولر اسلام نینگ ایتگنی دیک، حجاب نی رعایه قیلمه یدلر. ایرکک بیلن عیال ارا صحبت درست ایمس. اگرعیاللر بیر ایرکک بیلن اویده یالغیز صحبت قیله دیگن بولسه، اونینگ شرعی محرمی بولیشی کیره ک".
افغانستانده سکینچی مارچ نشانلنیب، عیاللر زوره وانلیکلر عامللری اوشله نیب، جزالنمه ی، همده زوره وانلیک نی یوق ایتیش بوییچه قانون گه اعتبار بیریلمه یاتگنی باره سیده دولت نی عیبلب کیلماقده لر.
اوشبو مملکت انسان حقلری مستقل کمیسیونی اوتگن ییلگه نسبتآ، بو ییل زوره وانلیکلر میزانی 30 فایزگه آشگنی دن خبر بیرگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.