BBC navigation

کابل و خوست خودکش لیک هجوم لریده اینگ آز 18 کیشی هلاک ایتیلگن

Сўнгги янгиланиш 9 март 2013 - 07:39 GMT

بوگون کابل و خوست ولایت لریده یولگه قوییلگن خودکش لیک هجوملری نتیجه سیده اینگ آز 18 کیشی هلاک ایتیلگن.

افغانستان مدافعه وزیرلیگی، کابلده یولگه قوییلگن خود کش لیک هجوم نتیجه سیده هلاک ایتیلگن لر سانینی 9 نفر و یره لنگن لرنی 14 کیشی اعلان قیلگن. اما خوست ده گی حادثه ده بیر پولیس شامل توقیز کیشی هلاک بولگن.

مذکور وزیرلیک اورین باسری دولت وزیری بی بی سی بیلن بولگن صحبتیده، انتحارچی شخص بیر بایسکل دن فایده لنیب، اوزینی مدافعه وزیرلیگی نینگ ایشیگی قرشیسیده پارتله تیب یوبارگنینی معلوم قیلگن.

وزیری جنابلری، بوگونکی حادثه ده ایککی ملی اردو عسکر یره دار بولگنی نی تایید قیلیب باشقه هلاک بولگن و یره لنگن لر یولدن اوته یاتگن عادی فقرا ایکنینی بیلدیردی.

خود کش لیک هجومی یولگه قوییلگن منطقه جمهور لیک ریاستی سرایی گه قریب ایککی یوز متر فاصله سی بولیب، همده کابل نینگ اینگ گوجوم منطقه لریدن حسابلنه دی.

مذکور هجوم شونده ی بیر حالده یوز بیرگن که، امریکا قوشمه ایالت لری نینگ مدافعه وزیری چاک هیگل افغانستانگه تشریف بویرگن.

افغانستان مدافعه وزیرلیگی نینگ اورین باسری دولت وزیری یولگه قوییلگن انتحاری هجوم عادی بیر مسئله دیشیب، امریکا مدافعه وزیری نینگ افغانستانده برنامه لریگه هیچ قنده ی تاثیر قالدیرمه یشی اوستیده تاکید له دی.

شونده ی بیرحالده طالبان گروهی بیر بیانات ترقه تیب، مذکور انتحاری هجوم دن اساسی مقصد، هیگل جنابلری گه آیدین سوزلرینی ایشیتیریش ایدی دیب معلوم قیلگن.

هیگل جنابلری رسمی بیر سفر بیلن افغانستانگه کیلگن. شو نینگ دیک ناتو نینگ سوزچیلریدن بیری گه کوره، هجوم یولگه قوییلگن منطقه نینگ یقینیده هیگل جنابلری یوق ایکن.

عین زمانده خوست ولایتیده یولگه قوییلگن خودکشلیک هجوم نتیجه سیده 9 کیشی هلاک ایتیلگن. هلاک ایتیلگن لر آره سیده یالغیزگینه بیر پولیس بولگن قالگنی ایسه همه سی میده باله لر بولگن.

خوست والی سی نینگ دفتری تمانیدن ترقه تیلگن بیانات گه کوره، انتحارچی شخص، خوست شهریگه خارجی لر کاروانی اوته یاتگن بیر پیتده اوزی نی پارتله تیب یوبارگن.

خوست ولایتیده گی ساغلیک نی سقله ش مسوولری هم یره لنگن اوچ باله نینگ ساغلیغی یمان وضعیتده ایکن لیگینی بیلدیرگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.