BBC navigation

فاریاب ولایتی ده اوچ طالب هلاک ایتیلگن

Сўнгги янгиланиш 10 март 2013 - 10:55 GMT

بوگون ايرته لب فارياب ولايتي نينگ قرمقول تومنيده طالب لربيلن دولت كوچلري آره سيده يوزبيرگن اوروشده 3قوراللي هلاك ايتيلگن.

بو اولديريلگن 3 قوراللي قرمقول تومني نينگ يوسف ميرازيي قيشلاقيده يوزبيرگن توقنه شووجريانيده هلاك ايتيلگن.

فارياب پوليسي گه كوره بير گروه قوراللي طالب لربوقيشلاقده كيلگن بير پيتده ملي پوليس، چيگره پوليسي وملي امنيت كوچلري تمانيدن اولرگه قرشي قوشمه عمليات يولگه قوييلگن.

فارياب ولايتي نينگ پوليس قومانداني نينگ سوزچيسي سيد مسعود يعقوبي هلاك ايتيلگن قوراللي لر اوروش ميدانيده قالگني ني ايتيب هلي هم اوروش دوام ايته ياتگن ليگي ني معلوم قيله دي.

قرمقول تومنيده اوتكزيلگن بوحربي عملياتده بيرميل قورال وايكي ماين هم دولت كوچلري قوليگه توشگن.

شونينگ ديك يعقوبي جنابلري دوام ايته ياتگن بو عملياتده دولت كوچلري وعادي اهالي گه تلفات ييتمه گن ليگي ني ايتدي.

قوراللي طالب لربوعمليات لر خصوصيده هيچ قنده ي مناسبت بيلديرمه گن لر.

بوندن بيرنيچه كون آلدين هم بو تومنده پوليس بيلن عصيانچي لرآره سيده يوزبيرگن توقنه شووجريانيده بير پوليس اوليب وينه بير نيچه قوراللي هلاك ايتيليب وعين حالده عادي اهالي ديب ايتيلگن بيركيشي هم قوراللي طالب لرتمانيدن دولت گه جاسوسليك عيبي بيلن اوققه توتيليب اولديريلگن ايدي.

ميمنه مزارشريف شاه يوليده جايلشگن قرمقول تومني سونگي پيت لرده قطار ناقرارليك لرده گواه بوليب كيلماقده بونگه سبب بو تومن طالب لرني دشت ليلي وشوردريا گه اوتيب قيتيش محلي بولگني اوچون يقينده دولت تمانيدن بولرنينگ فعاليت لري نينگ آلديني آليش اوچون پوليس قرارگاه لري برپا ايتيب يول امنيتي ني تامين لش بولگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.